Bǐbɛ́mɛ 39 سے مشہور بائبلی آیات

شئیر

Mawu Mavɔmavɔ ka ɖo kpɔ́ xá Jozɛ́fu, bɔ nǔ bǐ ɖo yiyi n'i wɛ. Gǎn tɔn Ejípunu ɔ́ sín xwé gbe wɛ é nɔ́ nɔ.

Ée Potifáa zé nǔ tɔn lɛ́ɛ bǐ dó alɔ mɛ nú Jozɛ́fu ɔ́, é sɔ́ nɔ́ wa nǔ ɖěbǔ ɖo xwé tɔn gbe ǎ; nǔ jɛ́n é nɔ́ wá ɖu. Jozɛ́fu ɔ́, mɛɖé wɛ, bó nyɔ́ ɖɛkpɛ, bó nyɔ́ kpɔ́n.

Énɛ́ ɔ́, é bɛ́ gantɔ́ e ɖo fínɛ́ lɛ́ɛ bǐ dó Jozɛ́fu sín alɔ mɛ. Nú è nǎ wa nǔ ɖěbǔ ɖo gankpá mɛ fínɛ́ ɔ́, éyɛ́ jɛ́n è nǎ mɔ.

bɔ é wlí Jozɛ́fu sú dó gankpá mɛ, fí e axɔ́sú ɔ́ sín gantɔ́ lɛ́ɛ nɔ́ nɔ é, bɔ é sɛn gan ɖo fínɛ́. Jozɛ́fu ɖo gankpá mɛ fínɛ́, có Mawu Mavɔmavɔ ɖo kpɔ́ xá ɛ, bó kɔn nyɔ̌ná tɔn dó jǐ tɔn. Mawu Mavɔmavɔ bló bɔ gankpácɔ́tɔ́ ɔ́ yí wǎn nú Jozɛ́fu.

Ée yě ɖo fínɛ́ ɔ́, Jozɛ́fu sín gǎn sín asi wá jɛ ɖɛkpɛ tɔn mɔ jí, bó ɖɔ n'i ɖɔ: “Wǎ mlɔ́ kpɔ́ xá mì!” Jozɛ́fu ka gbɛ́ bó ɖɔ nú gǎn tɔn sín asi ɔ́ ɖɔ: “Đǒtó mì, gǎn ce sɔ́ nǔ tɔn lɛ́ɛ bǐ dó alɔ ce mɛ, bó ɖeji dó wǔtu ce, lobo sɔ́ byɔ́ ɖɔ é ná wa nǔ ɖěbǔ ɖo xwé tɔn gbe ǎ. Mɛɖé ɖó acɛ hú mì ɖo xwé tɔn gbe ǎ, é ká gbɛ́ nǔɖé nú mì ɖo xwé ɔ́ gbe ǎ. Hwi ɖokpónɔ wú jɛ́n un ma ná ɖó alɔ ǎ, ɖó asi tɔn wɛ a nyǐ. Un sixú dó nǔ baɖabaɖa mɔ̌hun sin, bó hu hwɛ dó Mawu ce ǎ.”

É wá su gbe ɖokpó, bɔ Jozɛ́fu byɔ́ xɔ mɛ, bó ná wa azɔ̌ tɔn lě e é kó nɔ́ bló gbɔn é; mɛ ɖěbǔ ká ɖo fínɛ́ gbe nɛ́ gbe ǎ, bɔ nyɔ̌nu ɔ́ wlí Jozɛ́fu sín awu bó ɖɔ: “Wǎ mǐ yi mlɔ́ ayǐ.” Jozɛ́fu ka jó awu ɔ́ dó n'i, bó hɔn tɔ́n sín xwé ɔ́ gbe.