Romanos 1 سے مشہور بائبلی آیات

شئیر

Noqa manam penqakütsu Teyta Diospa alli willakïninta willakur. Tsë willakïqa Teyta Diospa poderninmi llapan chaskikuqkunata salvananpaq. Puntataqa Israel nunakunatam musyatsirqan y tsëpitanam mana Israel nunakunatapis musyatsirqan.

Alli willakïninchömi Teyta Dios käyitsimantsik jutsata rurashqantsikpita perdonamashqantsikta. Tsënö perdonamantsik pëman markäkushqam. Palabranchöpis kënömi qellqarëkan: <<Munashqänö kawaq nunaqa noqaman markäkamurmi kawanqa>>.

Kamashqankunata rikarmi unëpita patsa nunakuna musyayan Teyta Dios kashqanta y llapanpaqpis puëdiq kashqanta. Tsëmi Teyta Diospa nöpanchö pipis tsapakur ninqatsu: <<Noqa manam musyallarqütsu qam kashqëkita>>.

Teyta Dios kashqanta musyëkarpis nunakuna manam pëta wiyakuyantsu ni payllä nikuyantsu. Manakaqkunaman peqankuna churakashqa kaptinmi yarpëninkunapis paqwë upayashqa këkan.

Tsë nunakunaqa kamamaqnintsik Teyta Diosllata adorayänanpaq këkashqanta musyëkarmi pë kamashqankunallata adorayan. Tsëmi rasun kaqman creyiyänanpa rantin manakaqkunaman creyiyan. Teyta Dios imëyaqpis adorashqa këkullätsun. Amén.

Ciëlupita patsam Teyta Dios piñakur pïmëtapis jutsa ruraqkunata castiganqa. Tsë nunakunaqa jutsata rurarmi tsapäyan wakin nunakunapis Teyta Diospa willakïninman mana creyikuyänanpaq.

Tsëmi tsë nunakunata Teyta Dios jaqirishqa penqakïpaq mana allikunata rurakuyänanpaq. Jaqirishqa kaptinmi warmikunapis ollqullawan pununakuyänanpa rantin warmipura pununakuyan. Tsënöllam ollqukunapis warmiwan pununakuyänanpa rantin ollqupura penqakïpaq pununakuyan. Tsëmi jutsata rurayashqanmannö pëkunata Teyta Dios castiguëkan. Teyta Dios munashqannö kawëta mana munayaptinmi mana penqakushpa jutsata rurar kawayänanpaq Teyta Dios jaqirishqa.

Kikinkuna yachaq tukïkarpis manam imatapis musyayantsu ni mäkuyantsu. Tsëmi wiñëpa kawaq Teyta Diosta adorayänanpa rantin ïdulukunata adorayan. Tsë ïdulukunatam rurayan nunatanö, päriqkunatanö, wätakunatanö y lätëpa puriqkunatanö.