Hechos 16 سے مشہور بائبلی آیات

شئیر

Yejwan okinankilijkej: ―Xikneltoka in Señor Jesús, iwan ijkón welis timomakixtis iwan noijki welis momakixtis nochi mofamilia.

Pero kej tlajko yuak, Pablo iwan Silas omotiotzajtzilijtokaj iwan okitlakuikilijtokaj in toTajtzin Dios, iwan oksekimej katlej otzaktokaj okinkaktokaj, iwan san niman ijkuakón otlalolinke chikawak asta okiwiwixoj icimiento in telpiloyan, iwan san niman ijkuakón noijki owaltlapokej nochtin puertajtin. Iwan nochtin in tlakaj katlej otzaktokaj okojkotonkej inkadenawan katlej ika oijilpitokaj.

Satepan okinkixtij kalan iwan okintlajtlanij: ―Xinechilwikan namejwantzitzintin, ¿tlan moneki nikchiwas para nimomakixtis?

In tetzakke oijsak iwan okinmitak nochtin in puertajtin tlapotokej. Ijkuakón okikixtij iespada para momiktis, porke okimolwij yocholojkej katlej otzaktokaj. Pero in Pablo okitzajtzilij chikawak: ―¡Amo ximomikti! Nian tikatej tinochtin.