1
Hechos 2:38
El Nuevo Testamento en matsés
mcfNT
Adoaquien Petedon: Mimbi icsambuen naid ënshun: Esus cun Icbombo nec, quequin abimbo tantiaquin acten mentometa: Ma umbi icsambuen naid tantienquio yec Nuquin Papa bëshunnu, queshun. Adoacsho aton Mayan Bëda mibi menendac.
موازنہ
تلاش Hechos 2:38
2
Hechos 2:42
Aden Esus tantiabenshun Esusën: Ubi chuibenneta, caidon Esus chuibansho tantiec abëd icquido menenanec tabadquimbi Esus uënësaid tantiaquin actequid acshun pan cuëshë pebededtednepanëdash. Adembidi Nuquin Papa chiannepanëdash.
تلاش Hechos 2:42
3
Hechos 2:4
Aden Nuquin Papan: Ma nëidobëd tabadnu, queshun Aton Mayan menebanac abi onquiacmaid matses utsin onqueten onquetenquiec ambi matsadtomiaidotedi onquecuededpanëdash.
تلاش Hechos 2:4
4
Hechos 2:2-4
Ambo iccuedednubien abucuësh choec cumapenec cuëdec cunquequid tapabimbuec nuntan chosho tantiapanëdash. Aden aid tantianubi cute nëdënquiacbimbuecquid budec icbo icboec matsadtocuededpanëdash abi isquidtedi. Aden Nuquin Papan: Ma nëidobëd tabadnu, queshun Aton Mayan menebanac abi onquiacmaid matses utsin onqueten onquetenquiec ambi matsadtomiaidotedi onquecuededpanëdash.
تلاش Hechos 2:2-4
5
Hechos 2:46-47
Adecbidi badiadquidën badiadquidënquiec Nuquin Papa tabadte shubu dapa yacno nidash iccuededpanëdash. Adecbidi shubu utsi utsiec yacno nidash iccuededquin Esus uënës uaid tantiaquin pan cuëshcuëshshun pebededpanëdash. Adecbidi bundoshon pete pec cuishonquecuededuapanëdash. Adec tabadquin Nuquin Papan naid chiec cuëdëncuededpanëdash. Adec tabadsho isash: Bëdambocquido nec, quec Nuquin Papan tantiacpadec badiadquidën badiadquidënquiec utsibotsen Esus tantiash abëd tabadtequid yanash aid tantiaquid utsibobëd dadpen iccuededpanëdash.
تلاش Hechos 2:46-47
6
Hechos 2:17
Iuecshun umbi tantiacpadënquiobi Cun Mayan matses utsi utsien menendambi, quec Nuquin Papa. Adoac aidon madobobëtan aidon champibontsen umbi iuecshun nate chuibanendac. Adembidi caniabontsen ushquin isacbimbuen umbi ismiac isendac. Adembidi ismiac tsësiobon ushquin isendac.
تلاش Hechos 2:17
7
Hechos 2:44-45
Adnubien Nuquin Papan Esus tantiamiaidotedi atona cudasenquio yec menenanec bëdambuec tabadcuededpanëdash. Shububëta atona utsi menequin piucquid bedshun utsina nibëdsho issun menepanëdash.
تلاش Hechos 2:44-45
8
Hechos 2:21
Adnubimbi: Cun Icbombo Esus nec, ubi caquidquio ëbëd tabadmendambi, quequin Nuquin Papan chuimiacpaden Oedën dada uapampic.
تلاش Hechos 2:21
9
Hechos 2:20
Adquid icnubi badiadën uëshë chënquebuedi inchëshquio yanendac. Inchëshën uëshë piupiupambo yec intacbimbuecsho mimbi isbededendac. Umbi ismiaidtedi icambic Nuquin Papan uëshë bëdamboshëcquid chomendac.
تلاش Hechos 2:20