1 Conitio 2 سے مشہور بائبلی آیات

شئیر

Jamatii Eyacuiñajjiya yahuajo nei esohui tehue mee ca poa jama baꞌa: “Oya esejaya quea jea neejo, Eyacuiñajjiya eseya quea pame nee acajeꞌyo, ojjaña ojaya epeejji cuana. Maya esejaya ba jjima ecojjaja, maya esejaya shajjaꞌajja jjima eshajjaja, huohui jjima peaꞌai. Maya eseya jjashahuabaqui jjima peaꞌai. Eseya ohuaya quea pame nee nee acajeꞌyo”. Yahuajo nei jamaya tehue mee ca poa.

Jamatii Jesosaja epeejji pojjeamaja ba jjima Edojjoshahua Pame. Ba meemee ajja Edojjoshahua Pameja ejjashahuabaquijji, quea quehua nee ojaya. Jamajjeya jama poani baꞌa: —¿Apiojji Jesosa nijje ejjapeequijji? Maya ecuanajaya esohui quea quehua —jamaya poani. Eꞌe, ojaya jamatii ebajji pojjeama Jesosa Quitoja esohui. Maya Edojjoshahua Pameya eseya ba mee cani.

Maya Edojjoshahua Pameya eseya ba mee cani: Eyacuiñajjiya quea pame nee acani esejo, ma Jesosa Quitohua ojaya epeejji cuana baꞌe tiitii mee cajeꞌyo onijje eyajo. Ojjaña Edojjoshahua Pameja eba. Jamajjeya ese que dobiqui majje ohuaya eseya ba mee cani Eyacuiñajjija ejjashahuabaquijji.

Eꞌe, eseya Jesosaja epeejji poanijo shajjamaꞌ jayojja jama jjashahuabaqui ajja. Jamajjeya Eyacuiñajjiya Edojjoshahua Pame ese que dobiqui mee canaje. Ohuaya eseya ba mee canaje jama baꞌa: Jesosaja epeejji poanijo ca ca oe Eyacuiñajjiya eseya baꞌe tiitii mee cajeꞌyo onijje, eseya ojaya quea jea neejo. Quea pame nee nee eseya acajeꞌyo peaꞌai ohuaya.

Jamajjeya Edojjoshahua Pame quea caꞌa neeya eya huohui meesahua canaje esohui eꞌe nei miquianajaya eshajjaꞌajjajji. Esohui huohuijji ojjaña ba epohua jayojja jama ecuea huohui jjima. Jamajjeya Eyacuiñajjiya miquianaya Jesosa Quito nijje jjapeequi meesahua canajejo, ojaya epeejji nei poanaje. Dejja ojjaña esohui ba epohua jama ecuea huohui jjima.