ROMAHAY 1 سے مشہور بائبلی آیات

شئیر

Y'anta gi mesem ngi tila mi ti Ɓimezle ta, asi i gidaŋ ngi Buymisemuŋ malaha ko wa mitiɓi le gar, Yudehey dumbuŋ waɗ sukwi mekelemey gar.

Naŋ kine, Ɓimezle a biga gwat ani: Buymisemuŋ a si na mizli, taŋ jeŋŋe na, asi tiɓi taŋ tewle. Kaɓa mutohoko ɓi naŋ: «Mbur mijeŋŋe a sa ndir ti siifa tisi tiɓi.»

Naŋ kine, mbur a pura Buymisemuŋ, yo a si na kpak naŋ gu ta gisiŋ. Amma zle ti naŋ miga duniya na, a biga sli wala ngi gwataya le njah wãˀ da mizli ti gwatay naŋ miga taŋ na. Vurˀe, anta sa pula mungra ngi mizli titrahaya teˀ mata.

Asi mike na, a sinaka Buymisemuŋ le ngbaŋ, amma a ɗuvakaŋ hirnga ta, yo a gakaŋ sise ti jiviɗ naŋ kaslsla ta ma. Wuluk taŋ a kirih le kileŋ tivi ɓi mikaslsla jaka, mevel taŋ anta sla wala ngi ɓi mata, luvuŋ a sirta le sirit wãˀa.

A mbiɗaka ɓi mikaslsla ngi Buymisemuŋ, a tiram di ɓi ngi slir. A dilkam a mbuŋ gwat Buymisemuŋ miga taŋ ti gi, a sipaka taŋ, mbak Buymisemuŋ miga gwatay vuna jaka. Anja wãˀ naŋ na, mizlir ngi hunum hã ngi set na, i naŋ Bumbulvuŋ vuna! Amin.

Naŋ kine, mizli magam mungra waɗ gwat mijeŋ tahay gar ngi tika ɓi mikaslsla ɓa a njik ta na, Buymisemuŋ a zuɓ himaˀ le, yo a njuyo di le paɗ ti muŋ ng'ar taŋ.

Vurˀe, Buymisemuŋ a pula taŋ mbak, a gam gwat ngi mesem. Ngwas taŋhay a hinam ar wala taŋ tehhe a muŋ, mbak hin ngi zil ati ngwasa le, nah na i gwat mizlir ngi gi ta. Ziley kwana, kanah ya, a pulaka hin ti ngwasaya, may ngi hin ar wala taŋ tehhe a muŋ ara ja taŋ haɗa haɗa. Ziley a hinam ti ziley. Kay, a gam di i gwat ngi mesem mukuy ta wãˀ! Naŋ kine, a gaka taŋ kiita da taŋ vuna asi a zizam le. Yo taŋ mungumam si na Buymisemuŋ ta na, Buymisemuŋ a pula taŋ mbak angi lesl taŋ manja sli wala na vurˀe, a gam gwat mizlir ngi gi zleˀe ta.

A puraka vu taŋ ka misi sinmijileŋhey, dambalaka i gilaway. Anja ɓa a dilkam a mbuŋ Buymisemuŋ mamuc ta wãˀ na ma na, taŋ a dilkam jak na, a mbuŋ foto ngi mbur mamucu, ngi ɗiyuwoy ati ngi gwat misi ti sar mufaɗ mufaɗay, waɗ gwat maram ti kwacayay.