Miqueas 2 سے مشہور بائبلی آیات

شئیر

Cari chachin quëchitato inapita quëpararahuë. Inapitasoꞌ natëponaco huachi. Paꞌpachinaꞌ, ninano yaꞌcoanataquëchin pipiponaꞌ. Caso huaꞌanënaco niꞌto, Yosënënaco,” tënin.

Aꞌnaquëmasoꞌ, huëꞌëramaquëpita co noyahuëꞌ nicacamaso yonquiramaꞌ. Chiníquën nanantërama niꞌton, tahuërihuachina ina inachachin ninamaꞌ. Noꞌpahuë nipon noyahuatamara, machinaramaꞌ. Pëihuë nipon noyahuatamara, ihuatëramaꞌ. Quëmopinënapitarë chachin piyapiꞌsa aparisitëramaꞌ. Shimashonënapitari noꞌpaꞌ ayananpipisoꞌ, shinpitari huaꞌanëntapirinahuëꞌ, inapita ihuaramaꞌ. Inaporamasopita, ¡maꞌhuántacha canpitaso nisarama paya!

Ina quëran Sinioro taantarin: “Piyapinëhuëpita yaꞌhuëpiso noꞌpa quëran, inimiconënapitari quëpaponaꞌ. Quëpapirinahuëꞌ, cari chachin yaꞌipi inapita ayontoantarahuë. Inapitasoꞌ caraya pochin quëparitopirinahuëꞌ, ohuicaroꞌsa huëꞌërinquë ayontonëso pochin nitarahuë. Ohuica huënton pastonënquë quëparëso pochin nitarahuë. Panca huënton ohuica noncaropiso pochin israiroꞌsa noncaroponaꞌ.