Flp 3 سے مشہور بائبلی آیات

شئیر

Ex wu'tac, ex wanab', tzin na'a, mant toc tz'acn in 'a jun tzo'n̈ chi ticnec. Palta 'oj walb't 'ayex, tas tzwutj in b'a. A ticnec, man̈xtzac in na cot jun tzo'n̈ tas tox 'ix wac' ganar. An̈j jun tzo'n̈ tas 'ayt palta, a tzin na'a. Yuj cha, tzwac' 'ip, sec wach' 'oj wac' ganar in chan spac, atn in q'uinl 'a jun 'ejmn̈ej. Yuj wal jun tic, tzon̈ yawtnec Dios yico'oc, yujto junxn̈ej tzon̈ 'ajc yet' Cristo Jesús.

Tzin nib'ej, tzin wach' 'ojquej 'el Cristo, sec a spoder yic xpitzw paxi, a tzyac' 'ayin. Tzin nib'j lajnn̈ej tzwutj wab'n syal yet'oc. Tzin nib'j 'icha x'aj schami, 'ixta tzin 'aj in cham jun xo. Yujto tzin nib'j 'ay waln wic in pitzw pax 'a scal eb' chamnac.

Jantcn̈ej jun tzo'n̈ tas wa'jnac 'och yipc in c'ojol, may jac yel'ch 'a in sat ticnec. Yujto 'ay junx yel xo wach' tzin b'o'o, to tzwojquej 'el Cristo Jesús, atn Cajlilec. Yuj Cristo tic, c'uxn satnc 'el smasnil jun tzo'n̈ wa'jnac 'och yipc in c'ojl cha. Ax ticnec, 'icha c'alem xoj yaj 'a in sat, yujto tzin nib'j tzwique'ej Cristo 'a jun 'ejmn̈ej.

Smasniln̈ej jun tzo'n̈ xwal tic, caw wach'n̈j in nani. Palta a ticnec, tzin na'a, may jac yel'ch jun tzo'n̈ cha, yujto an̈j 'a Cristo tzwa'ch in nab'en.