Oseas 9 سے مشہور بائبلی آیات

شئیر

Ke xjal lu cyc'i' tu'n t-xi cyniman tyol Ndiose; cyja'tzun che elel ic'un tu'n, ex nok che betjebel cyuj mastl nasyon.

Mi'n che tzalaje akeye aj Israel, mi'n che jaw t'icpaje tu'n tzalajbil ic tza'n cye mastl tnam, porque ma cyaj cycoline aju Cydiose tu'n cyc'ulune cywitz tilbilal. Cyuj ke lugar jatum nne'l ttxc'omil triw, atzun cyganiye tu'n ttzaj cyc'mo'ne aju twi cyc'u'je ti'j ju cyyaẍbile.

Ma pon tk'ijlalil tu'n ttzaj cycastiw. Ma pon tk'ijlalil tu'n tcub k'ot cycastiw ti'j cybinchben. C'elel cynic' aj Israel ti'j oc tul canun jlu. Atzun cyeye in cyma'ne: Minti' tnabl t-sanjel Dios, ex aju xinak in yolin ti'j ju in tzaj tma'n Dios, tzcajte, che chiye. In cyma'ne icju tu'nju nimxix cybinchbene mya ba'n ex nimxix in che ic'une cyi'j.