Impakan Sturka 23 سے مشہور بائبلی آیات

شئیر

Dawan Gâdkam ra puram suni mayuni bas, bara witin mita patam nani ra lî nani ba pura ai yamnika yabi kabia. “Yang sin siknis nani ba, man nani wina laihura sakamni. Yang daukamna, man nani pruma apia kau piuam aimakras ba ra. Baku sin man nani tasbayam ra, mairin kumi luhpia prui takbia apia, mairin biarapara sin âpu kabia.

“Kaiks, yang insalki man nani tâmra blikamni kainam kaiki kaia ba dukiara, bara baha tasbaya man nani dukiamra ridi sakri ba kat mai bri wabia.

Sakuna man nani kasak pali witin ai bîla wali dauki kama kaka, yang mai wîri ba kat, yang lika man nani waihlam nani wailhka kamni. Bara baha nani man nani mampara bubia ba, yang mita witin nani mapara buamni.

“Upla ailal pali witin ai saurka dauki auya ba nina blîkpara. “Witin nani diara warha daukaia dukiara lâ mapara aisi nani wal ba lâka ra tniwpara; umpira nani ra taiban lâka ra diara makabi ba wal sin tniwpara.

“Sturi kunin twilki bri si aisapara. Upla saurakira watawi man dauki uplika ba tâwan aimaki, witnis kunin aisi man mita tâ baikpara.