ମାର୍‌କ 9 سے مشہور بائبلی آیات

شئیر

ସା' ଜିସୁଲା ଆମାଇ ସୁନ' “ନ ମାସା' ଆନିଂ ଡିନ୍‌ଡେମ୍‌ ଗଂତିଂ ଡ'ନା ଡେମ୍‌ ଡ'ସେକ୍‌ ସୁନ'ତୁନ? ଜା ଆନିଂ ମାଇ ଗୁଲାଇ ଡିନ୍‌ଡେମ୍‌ ଗଂତା ଡ'ସେ'ଗା ବିସ୍‌ବାସ୍‌ ଡେମ୍‌ତ ମାଇ ବଲ୍‌ ଡେନ୍‌ତା” ଡ'ସେକ୍‌ ସୁନ' ।

ସା' ଗୁତୁନ୍‌ ଗୁନା ବା ଆଇ'କୁ ଉକ୍‌ସେ'ଗା ଡକ୍‌ତି'ତା ସୁନ' “ଅ ପ୍ରବୁ, ନ ବଲ୍‌ ଡିନ୍‌ଡେମ୍‌ ଗଂତୁନ ଡ'ସେକ୍‌ ନିଂ ବିସ୍‌ବାସ୍‌ ଡେମ'ତିଂ । ନିଂବକ୍‌ ଇ'କିସୁଗ ବିସ୍‌ବାସ୍‌ ଡୁତା, ଅବୁଦି ଆନ ବିସ୍‌ବାସ୍‌ ଡିନ୍‌ଡେମ୍‌ପୁଲେଇ ଆନିଂ ସାନ୍‌ଡୁଂ'” ଡ'ସେକ୍‌ ସୁନ' ।

ତିର୍‌ଗି' ଜିସୁଲା ମାଇନା ସିସ୍‌ୟଲେବୁରଂ ଡିଂଅଁବକ୍‌ ଗାଇଗା' । ଗାଇସେକ୍‌ ଜାସା ମଡୁକୁବେଲା ମାଇନା ସିସ୍‌ୟଲେ ଆମାଇ “ଆତୁନ୍‌ ବୁତ୍‌ ନେଇ ମାସା' ଞୁଁଞ ଆଗଂତୁନେଇ” ଡ'ସେକ୍‌ ସୁନ' । ସା' ଜିସୁଲା ଆମା'ଏ ସୁନ' “ଡି'କେନ୍‌ବାଇ' ବୁତ୍‌ଲେବକ୍‌ ଞତୁନେଇ ଡ'ନା ଆଂଡାକ୍‌ସ ଆମାପ୍‌ରୁ ପାର୍‌ତନା ଡେମ'ନାଉ ପେ ଗଂତୁପେ” ଡ'ସେକ୍‌ ସୁନ' ।

“ସୁବୁପୁଲେଇ ବୁତି' ବଲ୍‌ । ମାତର୍‌ ଗୁତୁନ୍‌ ବୁତି'ବକ୍‌ ଗାଇବି' ଆଡୁତା ଡ'ନା ଆତୁନ୍‌ ବୁତି' ମାରି ଅଗାଇବି' ଗଂତୁନେଇ' ଇ? ଆରାକ୍‌ । ବୁତି' ମି ଗୁଲାଇବକ୍‌ ବୁଂଅଁ'ନା ସୁବୁତା ଡୁ'ତୁନ୍‌ସୁଗ ପେସା ବଲ୍‌ରେମ୍‌ସୁଗ ଡୁକୁକ୍‌ସେକ୍‌ ଗୁଲାଇରବୁରଂ ସାନ୍‌ତିଂସାର୍‌ଦା ଡେଂସେକ୍‌ ଡୁକୁଲା ।”

“ପେ ଆନିଂ ବିସ୍‌ବାସ୍‌ ଡେମ'ତୁପେସା' ଆକେନ୍‌ ଗୁଲା ଆଲାତ୍‌ ଡେମ'ନା ଗୁତୁନ୍‌ ପେ ଆନିଂ ଆଲାତ୍‌ ଡେମ'କୁନୁଂସୁଗଉ ଡେନ୍‌ତା । ପେ ଆନିଂ ଆଲାତ୍‌ ଡେମ'ନା ଗୁତୁନ୍‌ ଆନିଂଉ ଡ'ସେକ୍‌ ଆରାକ୍‌ ମାତର୍‌ କେନ୍‌ ଦର୍‌ତନିବକ୍‌ ଆନିଂ ବେନ୍‌ଟାୟ'କୁନୁଂ ଆନେମ୍‌ବାସା ଆଲାତ୍‌ ଡେମ'କୁନୁଂସୁଗଉ ଡେନ୍‌ତା” ଡ'ସେକ୍‌ ସୁନ' ।

ପେ ଆକିରିସ୍‌ଟଲା ବିସ୍‌ବାସ୍‌ ଡେମ'ତୁପେସା' ଜାଏସା ଆପେ ଇ'ପୁଲେଇ ଇ'କିସା ଡାଗ୍‌ ବେଡ'ନା ଆମାଇ ମାପ୍‌ରୁ ପୁରାସ୍‌ ବେ'ତ ଡ'ସେକ୍‌ ନିଂ ଆପେ ସତଇସା ସୁନ'ତିଂ ।”

“ଆନିଂ ବିସ୍‌ବାସ୍‌ ଡେମ'କୁନୁଂ କେନ୍‌ ତିମେ ରେମଲେବକ୍‌ ଜାଏସା ଅଲିରାକ୍‌ବାଇ'କାମ୍‌ ଡିନ୍‌ଡେମ୍‌ପୁଲେଇ ବୁଦି ବେଡ'ନା, ମାଇନା ଗୁଲୁଗୁକ୍‌ବକ୍‌ ମୁଇ ବୁଡାଲା ଜାନ୍‌ତାବେର୍‌ ତୁଲ'ସେକ୍‌ ସମ୍‌ଦର୍‌କିନ୍‌ଡାକ୍‌ନା ସୁଲୁଂଡାଗ୍‌ବକ୍‌ ଜୁଂଡାଗ' ବେଡ'ନା ମାରି ମାଇ ଡୁ'ତୁନା ଆଡେମ୍‌ତ ।

ଅଲିରାକ୍‌ବାଇ' କାମ୍‌ ଡିନ୍‌ଡେମ୍‌ପୁଲେଇ ନନା ମ' ଆନ ମୁନ୍‌ ବେଡ'ତା ଡ'ନା ଗୁତୁନ୍‌ ମ' ତଗ୍‌ସୁଂ । ଇମ୍‌ବାର୍‌ ମ' ଡୁକୁକ୍‌ସେକ୍‌ ସୁଂଅଁବକ୍‌ ଉଇସେକ୍‌ କସ୍‌ଟ ବୁମ୍‌ବାମ୍‌ ବାଦୁଲ୍‌ ମୁଇ ମ'ବୁରଂ ମାପ୍‌ରୁନା ରାଜିବକ୍‌ ଉଇନା ନପୁଲେଇ ଅବୁଦି ବଲ୍‌ ।