نامَه فیلیپِنیا 4 سے مشہور بائبلی آیات

دل نگرون هیچ چی مَبی، بلکه تِی هرچی وَ دعا و خواهش و تمنا، اُمرَهِ شکرگزاری خواستَه‌یّاتو اُ خدا بِگائی.

و صلح و سلامتِنِ خدا که بَراتَ از هر فَهمیه، از دلیاتو و فکریاتو تِی مسیحْ عیسی محافظت اَکو.

آخر کَر، اَی کاکَیّا، اُ هرچی که حکیکیه، اُ هرچی که حرمت اُشَه، اُ هرچی که وَلمِه، اُ هرچی که پاکِه، اُ هرچی که دوست‌داشتنیه و اُ هرچی که لایِک تعریفِه فکر بِکنی. اَگَه چِی هَه که بُری خَشِه، اَگَه چِی هَه که کِراماند تعریف اُشَه، اُ اِ چِی‌یَه‌وا فکر بِکنی.

ما هر کَری مَشابِه بِکنام، اُ واسطَهِ مسیح که اُ ما کُوّت اَدَ.

مَ وَخت تِی خداوند خارام بی؛ دَفَیدو هم اَگام: خارام بی.

و خدای ما، هَمَهِ نیازیاتو طِبک دولت پُر جلال خوش تِی عیسی مسیحْ رفع اَکو.

مِ چِی که از ما تُن یاد گِرِتِه و کَبول تُکِردِ و از ما تُشُنُفتِ و تِی ما تُدِدِ، اِ چِی‌یَه‌وا اَنجوم هاتی، و خدای صلح و سلامتی خاد شما اَبِه.

بِهِری هَمَه بِدانِت که چاد آدامِی با ملاحظَه هی. اُندَهِ خداوند نَزیکِه.

ما هم اَدانام، فَخیری چینائِه و هم اَدانام زندگی تِی فَراوونی چینائِه. تِی هر وضع و حالی، سِررِ زندگی کِردَ تِی سیری و گُشنَه‌ای، تِی فَراوونی و تِی نیاز مُ یاد گِرِتِه.

نِه اِکِه اِئا از سِرِ نیاز بِگام، اَسِی که مُ یاد گِرِتِه که تِی هر وضعی که هام، باید کانِع بام.