روملو‌لارا 8 سے مشہور بائبلی آیات

شئیر

و بئلئرئک کی، تاری بوتون شیلری، اونی سِوَنلر اوچون و اونون هدفئنه گؤره دعوت اولونانلار اوچون اولارین خیئرئنه بئرلئکده ائشله‌دئر.

چونکی یقئن بئلئرم کی، نه اؤلوم، نه حیات، نه ملکلر، نه ریاستلر، نه ائندئکی، نه گله‌جک شیلر، نه قودرتلری، نه اوجالیق، نه درئنلئک، نه ده آیری بئر مخلوق قادئر اولاجاق کی، بئزی ربّئمئز مسئح عئسادا اولان تارینین محبّتئندن آییرسین.

اله بله ده روح بئزه ضعئفلئیئمئزده کؤمک اله ر. چونکی بئز لازیم اولدوغی کئمی دوعا اله ‎مه‌یی بئلمئرئک. آمّا روح اؤزی سؤز‌ ائنن، آنلاتیلماز ناله‌لر ائنن بئزئم اوچون شفاعت اله‌یئر.

اگر بله‌دئر، بو شیلره نه دئیک؟ اگر تاری بئز ائنن‌دئر، کئم بئزه ضئدّ دورار؟

بونا گؤره، ائندی مسئح عئسادا اولانلارا هچ بئر محکومئیّت یوخدور.

جئسمئن اوستونه قویولان فئکئر اؤلومدور، آمّا روحون اوستونه قویولان فئکئر حیات و باریشدیر.

یوخ، بوتون بولاردا بئز قالئب گلنلردن باشیق، اونون واسئطه‌سی‌ ائنن کی بئزی سِوئر.

بله دوشونورم کی، چکدئیئمئز ائندئکی عذابلار، بئزه ظاهئر اولاجاق جلال ‎ائنان هچ موقایئسه‌یه گلمز.

مسئحئن محبّتئندن بئزی کئم آییرا بئلر؟ موصئبت؟ دارلیق؟ عذاب؟ آجلیق؟ لوتلوک؟ خطر یا قیلینج؟

او کی اورَکلری تفتئش اله‌یئر، روحون نه دوشوندویونی بئلئر، چونکی روح تارینین ائراده‌سئنه گؤره موقدّسلر اوچون شفاعت اله‌یئر.

چونکی تارینین روحی ائنن هئدایت اولونانلارین هامیسی تارینین اوغوللاری‌دیرلار.

چونکی جئسمئن دالیسیجا اولانلار فئکئرلرئنی جئسمانی شیلرئن اوستونه قویوبلار، آمّا روحون دالیسیجا اولانلار فئکئرلرئنی روحانی شیلرئن اوستونه قویوبلار.

او کی، اؤز اوغلونی قیماییب، بلکی اونی بئزئم هامیمیز اوچون تسلئم اله‌دی، نجه اونونان برابر بوتون شیلری بئزه احسان اله‎ مئیه‌جک؟

اله همن روح بئزئم روحوموز ائنان شهادت ورئر کی، بئز تارینین اؤولادلاری‌ییق. ائندی اگر اونون اؤولادلاری‌ییق، دمه‌لی اونون وارئثلرئیئک ده، تارینین وارئثلری و مسئحئن مئراث شرئکی. اگر دوغرودان اونون چکدئیی عذابلاریندا بئز ده شرئک اولوروق، بله ‎ده اونون جلالیندا دا شرئک اولاجاغیق.

بونا گؤره کی، جئسمئن اوستونه قویولان فئکئر تارییا دوشمنچئلئک اله‌یئر؛ چونکی تارینین شرئعتئنه تابع دیئل و اولا دا بئلمز.

چونکی خئلقت تارینین اوغوللارینین ظوهورونی بؤیوک بئر حسرت ‎ائنن گؤزله‌یئر.

چونکی بئلئرئک کی، بوتون خئلقت ائندئیه کئمی بئرلئکده ناله اله‌یئب، دوغوم آغریسی چکئر.