ယောဟန် 14 سے مشہور بائبلی آیات

شئیر

ငါသည် ငြိမ်းချမ်းခြင်းအား သင်တို့၌ထားခဲ့၏။ ငါ၏ငြိမ်းချမ်းခြင်းအား သင်တို့အား ငါပေး၏။ ဤလောကပေးသည့်အတိုင်း သင်တို့အား ငါပေးသည်မဟုတ်။ ထို့ကြောင့် သင်တို့ စိုးရိမ်ပူပန်ခြင်းသော်လည်းကောင်း၊ ကြောက်ရွံ့ခြင်းသော်လည်းကောင်း မရှိကြနှင့်။

ကိုယ်တော်ကလည်း “ငါသည် လမ်း၊ သမ္မာတရားနှင့် အသက်ပင်ဖြစ်၏။ ငါ့အား အမှီမပြုလျှင် မည်သူမျှ ခမည်းတော်ထံသို့ မရောက်နိုင်ရာ။

တဖန် ကိုယ်တော်ယေရှုက တပည့်တော်တို့အား “သင်တို့ စိုးရိမ်ပူပန်ခြင်းမရှိကြနှင့်။ ဘုရားရှင်ကို ယုံကြည်ကြလော့။ ငါ့ကိုလည်း ယုံကြည်ကြလော့။

သို့သော် ငါ့နာမ၌ ခမည်းတော်စေလွှတ်တော်မူမည့် ကူညီမစသူတည်းဟူသော ဉာဏ်အလင်းတော်သည် အရာခပ်သိမ်းတို့ကို သင်တို့အား သွန်သင်တော်မူ၍ ငါမိန့်ဆိုခဲ့သမျှသောအရာတို့ကို သင်တို့အား ပြန်လည်အမှတ်ရစေတော်မူလိမ့်မည်။

ငါ၏ပညတ်ချက်များအား လက်ခံ၍ လိုက်နာစောင့်ထိန်းသောသူသည် ငါ့ကိုချစ်ခင်သောသူဖြစ်၏။ ငါ့ကိုချစ်ခင်သောသူအား ငါ့ခမည်းတော်သည် ချစ်ခင်တော်မူလိမ့်မည်။ ငါသည်လည်း ထိုသူကို ချစ်ခင်၍ သူ့ထံ၌ မိမိကိုယ်ကို ထင်ရှားစေမည်” ဟု မိန့်တော်မူ၏။

ငါသည်လည်း ခမည်းတော်အား တောင်းလျှောက်သဖြင့် ခမည်းတော်သည် အခြားသောကူညီမည့်အရှင်တစ်ပါးကို သင်တို့နှင့်အတူ အမြဲထာဝရရှိနေစေရန် သင်တို့အား ပေးတော်မူလိမ့်မည်။ ထိုအရှင်သည် စစ်မှန်သောဘုရားရှင်ကို ထင်ရှားစေသည့် ဉာဏ်အလင်းတော်ဖြစ်၏။ ဤလောကသားတို့သည် ထိုအရှင်ကို မြင်လည်းမမြင်၊ သိလည်းမသိသောကြောင့် ထိုအရှင်ကို မခံယူမရရှိနိုင်။ သို့သော် ထိုအရှင်သည် သင်တို့နှင့်အတူတည်နေ၍ သင်တို့၌ရှိတော်မူမည်ဖြစ်သောကြောင့် သင်တို့သည် ထိုအရှင်ကို သိကြ၏။

ခမည်းတော်သည် သားတော်အားဖြင့် ဘုန်းတော်ထင်ရှားမည့်အကြောင်း ငါ၏နာမ၌ သင်တို့တောင်းလျှောက်သမျှကို ငါပေးတော်မူမည်။ သင်တို့သည် ငါ၏နာမ၌ တစ်စုံတစ်ခုအား တောင်းလျှောက်လျှင် ငါသည်ထိုအရာကို ပြုမည်။

သင်တို့သည် ငါ့ကိုချစ်ခင်လျှင် ငါ၏ပညတ်ချက်များကို စောင့်ထိန်းကြလိမ့်မည်။

ငါ့ခမည်းတော်၏အိမ်၌ နေစရာများစွာရှိ၏။ ထိုသို့ မရှိလျှင် သင်တို့အတွက် နေစရာများစွာပြင်ဆင်ပေးမည်ဟု ငါဆိုခဲ့မည်မဟုတ်။

ငါသည် သွား၍ သင်တို့အတွက် နေရာပြင်ဆင်ပြီးလျှင် ငါသည် တဖန်ပြန်လာ၍ သင်တို့အားလုံးလည်း ငါရှိရာအရပ်၌ရှိစေရန် သင်တို့ကို ခေါ်ဆောင်မည်ဖြစ်၏။

ထိုအခါ သောမသည် “ကိုယ်တော် မည်သည့်အရပ်သို့ ကြွတော်မူမည်ကို အကျွန်ုပ်တို့မသိသည်ဖြစ်၍ ထိုအရပ်သို့သွားသည့်လမ်းကိုလည်း အကျွန်ုပ်တို့ မည်သို့သိနိုင်ပါမည်နည်း” ဟုလျှောက်တင်လေ၏။