Hebrews 1 سے مشہور بائبلی آیات

شئیر

သားတော်သည် ဘုရားရှင်၏ ဘုန်းအသရေတော်တို့နှင့် ထွန်းလင်းတောက်ပလျှက် ရှိသည်။ ကိုယ်ခန္ဒာတော်သည် ဘုရားရှင်၏ ဇာတိ ပုံသဏ္ဌာန်အတိုင်း တိကျမှန်ကန်သော ပုံသဏ္ဌာန် ရှိလျှက် မိမိ၏တန်ခိုးနှင့် ပြည့်စုံသော နှုတ်ကပတ်တော်အားဖြင့် စင်္ကြာဝဠာကိုလည်း တည်နေစေတော်မူသည်။ ကိုယ်တော်သည် လူသားတို့၏ အပြစ်များအတွက် သန့်ရှင်းစင်ကြယ်အောင်ဆောင်ရွက်တော်မူပြီးနောက် နိဗ္ဗာန်ရွှေမြို့တော်ရှိ အနန္တတန်ခိုးတော်ရှင် ဘုရားရှင်၏ လက်ယာဘက်၌ ထိုင်တော်မူလေသည်။

ဘုရားရှင်သည် လွန်ခဲ့သော အချိန်ကာလက အရိယာသူတော်စင်များမှတစ်ဆင့် ကျွန်ုပ်တို့၏ ဘိုးဘေးများအား နည်းလမ်းအမျိုးမျိုးဖြင့် စကားပြောတော်မူခဲ့ပါသည်။ သို့ရာတွင် နောက်ဆုံးသောနေ့ရက်များ၌ ဘုရားရှင်သည် ကျွန်ုပ်တို့အား သူ၏သားတော်မှတစ်ဆင့် စကားပြောတော်မူခဲ့ပါသည်။ ဘုရားရှင်သည် သားတော်အား အရာအားလုံး၏အမွေဆက်ခံသူအဖြစ် ခန့်အပ်တော်မူပြီး ထိုသားတော်အားဖြင့် စကြာဝဠာအား ဖန်ဆင်းတော်မူသည်။

ထိုသို့ဖြစ်ပါမူ နတ်ဒေဝါများသည် ကယ်တင်ခြင်းအမွေဆက်ခံရမည့်သူများကို ကူညီမစရန် ဘုရားရှင်စေလွှတ်တော်မူသည့် အစေခံဝိညာဉ်များ ဖြစ်ကြသည်မဟုတ်ပါလော။

ထို့အပြင် ဘုရားရှင်သည် "အို အရှင် ကိုယ်တော်သည် အစဦး၌ပင် ကမ္ဘာမြေကြီးကို ဖန်ဆင်းတော်မူပါ၏။ ကိုယ်တော်၏ လက်တော်ဖြင့် မိုးကောင်းကင်ကိုလည်း ဖန်ဆင်းတော်မူပါသည်။ ထိုအရာတို့သည် ပျက်စီးယိုယွင်းသွားကြမည် ဖြစ်သော်လည်း ကိုယ်တော်ရှင်မှာမူ အမြဲတည်ရှိနေတော်မူလိမ့်မည်။ ထိုအရာအားလုံးတို့သည် အဝတ်အထည်များကဲ့သို့ ဟောင်းနွမ်းကြလိမ့်မည်။