Ephesians 2 سے مشہور بائبلی آیات

شئیر

အကျွန်ုပ်တို့သည်ယေရှုခရစ်တော်နှင့်တစ်လုံးတစ်ဝတည်းဖြစ်လျက်ဘုရားရှင်စီမံထားတော်မူသောအကျင့်ကောင်းများကိုကျင့်ကြံစေရန် ဘုရားရှင်သည် အကျွန်ုပ်တို့အားဖန်ဆင်းတော်မူပေသည်။

အဘယ်ကြောင့်ဆိုသော် သင်တို့သည် ကျေးဇူးတော်ကြောင့် ယုံကြည်ခြင်းအားဖြင့် ကယ်တင်ခြင်းခံရကြသည်။ ၎င်းသည် သင်တို့ကိုယ်တိုင်ပြုသောကုသိုလ်ကြောင့်မဟုတ်ဘဲ ဘုရားရှင်ပေးတော်မူသောလက်ဆောင်ဖြစ်သည်။ မိမိပြုသောကုသိုလ်ကြောင့်ကယ်တင်ခြင်းခံရသည်မဟုတ်။ ထို့ကြောင့် မည်သူမျှကြွားဝါစရာအကြောင်းမရှိ။

သို့သော် ဂရုဏာတော်နှင့်ပြည့်စုံတော်သော ဘုရားရှင်သည် အကျွန်ုပ်တို့ကို အလွန်ချစ်တော်မူသဖြင့် အပြစ်များကြောင့် သေဆုံးလျက်ရှိကြသော အကျွန်ုပ်တို့ကို ယေရှုခရစ်တော်နှင့်အတူအသက်ရှင်စေတော်မူပြီ ဖြစ်သည်။ သင်တို့ ကယ်တင်ခြင်းခံရသည်မှာ ဘုရားရှင်၏ ကျေးဇူးတော်ကြောင့်သာဖြစ်သည်။

ကိုယ်တော်ယေရှုခရစ်တော်အားဖြင့် ကျွန်ုပ်တို့ကိုရှင်ပြန်ထမြောက်စေပြီး နိဗ္ဗာန်ရွှေမြို့တော်၌ ကိုယ်တော်နှင့်အတူစံမြန်းခွင့်ကိုပေးတော်မူသည်။

ထို့ကြောင့် သင်တို့သည်လူမျိုးခြားများနှင့်သူစိမ်းများမဟုတ်တော့ဘဲ ဘုရားရှင်၏လူများ၊ ဘုရားရှင်၏အိမ်သူ အိမ်သားများဖြစ်ကြပြီဖြစ်သည်။ သင်တို့သည် သာဝကများနှင့် ပရောဖက်များချထားခဲ့သောအုတ်မြစ်ပေါ်တွင်တည်ဆောက်ခြင်းခံရသော အဆောင်အအုံများကဲ့သို့ဖြစ်ပြီး ထိုအဆောက်အအုံများ၏အရေးကြီးဆုံးသောထောင့်ချုပ်ကျောက်သည်ကား ယေရှုခရစ်တော်ပင်ဖြစ်သည်။