Colossians 2 سے مشہور بائبلی آیات

شئیر

ယေရှုခရစ်တော်ကို သင်တို့၏အရှင်အဖြစ်လက်ခံထားကြသဖြင့် ယေရှုခရစ်တော်နှင့်တပေါင်းတစည်းတည်းဖြစ်သောသူများကဲ့သို့ဆက်လက်နေထိုင်ကြလော့။ ယေရှုခရစ်တော်ထံ၌အမြစ်ကိုမြဲမြံစွာစွဲကပ်လျက် မိမိတို့၏ဘဝကိုတည်ဆောက်ကာ ယုံကြည်ချက်ကို ခိုင်မာစွာထားကာ ဘုရားရှင်ကိုချီးမွမ်းကြလော့။

ခရစ်တော်၏ဆုံးမဩဝါဒများမဟုတ်ပဲ လောကီကိုအခြေခံမူနှင့် လူ့ဓလေ့ထိုးတမ်းများကိုအခြေခံထားသည့် အတွေးအခေါ်တို့နှင့် အနှစ်သာရမရှိသောလှည့်ဖြားခြင်းတို့ဖြင့် မည်သူမျှသင်တို့ကိုမသိမ်းသွင်းနိုင်စေရန် သတိပြု ကြလော့။

သင်တို့သေရခြင်းမှာသင်တို့၏အပြစ်ဒုစရိုက်များကြောင့်ဖြစ်ပြီး သင်တို့သည် အပြစ်ဒုစရိုက်များနှင့်ပြည့်နက် နေသာဗီဇမှ မလွှတ်မြောက်နိုင်ကြသောကြောင့်လည်းဖြစ်သည်။ သို့သော် ဘုရားရှင်သည် သင်တို့အားယေရှုခရစ် တော်နှင့်အတူအသက်ရှင်သန်စေခဲ့ပြီဖြစ်သည်။ ဘုရားရှင်သည်အကျွန်ုပ်တို့အားလုံး၏အပြစ်ဒုစရိုက်များကို ခွင့်လွှတ်တော်မူခဲ့ပြီးဖြစ်သည်။ အကျွန်ုပ်တို့၏အပြစ်ကြွေးစာရင်းများကိုလည်းကောင်း၊ ၎င်းနှင့်ဆိုင်သည့်ဥပဒေများကိုလည်းကောင်း ဘုရားရှင်သည်လက်ဝါးကပ်တိုင်ပေါ်တွင်သံဖြင့်ရိုက်ကာပယ်ဖျက်တော်မူပြီဖြစ်သည်။

အဘယ်ကြောင့်ဆိုသော် ယေရှုခရစ်တော်၏လူသားကိုယ်ခန္ဓာထဲတွင် ဘုရားရှင်၏ပြည့်စုံမှုအားလုံး တည်ရှိနေသောကြောင့်ဖြစ်သည်။ သင်တို့သည်လည်း အရာအားလုံးပေါ်၌အုပ်စိုးနိုင်သည့် အစွမ်းနှင့်အခွင့်အာဏာရှိသောယေရှုခရစ်တော်နှင့် တပေါင်းတစည်းတည်းဖြစ်လာကြပြီး ဝိညာဉ်ရေးဆိုင်ရာသည်လည်းပြည့်စုံလာကြပြီဖြစ်သည်။

ထို့ကြောင့်မည်သူတစ်ဦးတစ်ယောက်ကမျှ သင်တို့အားမည်သည့်အရာကိုစားရ သို့မဟုတ် မည်သည့်အရာကိုသောက်ပါဟုမဆုံးဖြတ်မစီရင်စေနှင့်။ ဘာသာရေးပွဲတော်များ၊ လဆန်းနေ့ပွဲကျင်းပခြင်း သို့မဟုတ် ဥပုသ်နေ့နှင့်ပါတ်သက်၍လည်း မည်သူမျှသင်တို့ကိုမစီရင်စေနှင့်။ ထိုအရာများသည် နောင်ဖြစ်လာမည့်အရာများ၏အရိပ်သာဖြစ်သည်။ ယေရှုခရစ်တော်သည်သာလျှင် ထိုဥပဒေများအားလုံး၏စံနမူနာဖြစ်သည်။