Colossians 1 سے مشہور بائبلی آیات

شئیر

မာရ်နတ်၏မကောင်းသောစွမ်းအားအမှောင်ထုထဲမှ အကျွန်ုပ်တို့အားဘုရားရှင်သည်ကယ်တင်တော်မူပြီး သားတော်၏သာသနာတော်ထဲသို့ခေါ်သွင်းတော်မူခဲ့ပြီဖြစ်သည်။

မိုးကောင်းကင်၌ရှိသမျှအရာအားလုံးတို့ကိုလည်းကောင်း၊ မြေကြီး၌ရှိသမျှအရာတို့ကိုလည်းကောင်း၊ မြင်ရသောအရာများ၊ မမြင်ရသောအရာများ အားလုံးကိုလည်းကောင်း၊ ရာဇပလ္လင်တို့ကိုလည်းကောင်း၊ တန်ခိုးအစွမ်းတို့ကိုလည်းကောင်း၊ အုပ်ချုပ်သူတို့ကိုလည်းကောင်း၊ အခွင့်အာဏာရှိသူတို့ကိုလည်းကောင်း ဘုရားရှင်၏အလိုတော်အတိုင်းသားတော်သည်ဖန်ဆင်းခဲ့ခြင်းဖြစ်ပါသည်။

ယေရှုခရစ်တော်သည်အရာအားလုံးမပေါ်ပေါက်မှီကပင် တည်ရှိတော်မူသည်ဖြစ်ပြီး ထိုအရာအားလုံးတို့သည်လည်း ယေရှုခရစ်တော်အားဖြင့် အတူတကွတည်ရှိတော်မူလျက်ရှိသည်။

ယေရှုခရစ်တော်သည် မျက်စိဖြင့်မမြင်တွေ့နိုင်သောဘုရားရှင်၏ပုံသဏ္ဍာန်တော်ပင်ဖြစ်၏။ ဖန်ဆင်းသောအရာအားလုံးတို့ထက် သားတော်ထံတွင်ကြီးမားသောအခွင့်အာဏာရှိပေသည်။

ထို့ကြောင့် သင်တို့၏သတင်းကိုကြားသိရသည့်အချိန်မှစ၍ အကျွန်ုပ်တို့သည် သင်တို့အတွက် အစဉ်အမြဲဆုတောင်းပေးလျက်ရှိပါသည်။ သင်တို့သည်ဝိညာဉ်ရေးရာဉာဏ်ပညာနှင့် နားလည်နိုင်စွမ်းအားလုံးဖြင့် ဘုရားရှင်၏အလိုတော်ကို အလုံးစုံသိရှိနိုင်ရန်ကူညီပေးရန်ဘုရားရှင်ထံ၌အကျွန်ုပ်တို့ဆုတောင်းပေးပါသည်။ သင်တို့သည်ဘုရားရှင်နှစ်သက်တော်မူသည့်နည်းလမ်းဖြင့်ဘဝခရီးလမ်းကိုလျှောက်လှမ်းနိုင်သူများဖြစ်စေရန်နှင့် ကောင်းမွန်စွာထမ်းဆောင်သောအမှုတော်တိုင်း၌ အသီးအပွင့်များသီးပွင့်စေရန် အကျွန်ုပ်တို့သည်ဘုရားရှင်ထံ၌ ဆုတောင်းပါသည်။