John 2 سے مشہور بائبلی آیات

شئیر

အဲမိုနည်းန ကိုယ်တော်ယေရှုဟ ဂါလိလဲပြည် ကာနဗြို့မှာ ပထမဦးဆုံး အံ့ဖွယ်နိမိတ်လက္ခဏာဝို လုပ်ဆော်ပီး သူ့ရဲ့ဘုန်းဂိုးတော်ဝို ပြသလေရယ်။ အဲနော့ ကိုယ်တော်ရဲ့ဗြိတော်ဒွေဟလဲ ကိုယ်တော်ဝို ယုံကြည်ဂေ့လေရယ်။

အဲခါ ကိုယ်တော်ယေရှုဟလဲ သူမဝို “သင်မျိုးသမီး အယ်ကြောရာဟ ငါ့နဟယ်မျိုးသက်ဆိုင်နူး။ ငါ့တွက်မှန်ကန်ဝိုခီဟ ခုထိခီကလသေးရ” ဆိုပီး မိတော်မူလေရယ်။

ကိုယ်တော်ယေရှုဟ “အဲမိုရေအိုးဒွေထဲဝို ရေပလဲ့ဖလဲ့ထည့်ဂေ့လော့” ဆိုပီး ပြောရိ စေခံဒွေဟလဲ ကိုယ်တော်ပြောတိုင်း ရေအိုးဒွေဝို ရေပလဲ့လျှံအော်ထိ ဖလဲ့ထည့်ဂေ့လေရယ်။ အဲနော့ ကိုယ်တော်ဟ သူ့နို့ဝို “ရေနဲနဲခပ်ပီး ဧည့်ခံပွဲခေါ်ဆော်ဆီဝို ယူသွားဂေ့လော့” ဆိုပီး မိတော်မူလေရယ်။ အဲနော့ စေခံဒွေဟလဲ ကိုယ်တော်ယေရှု မိတော်မူဝိုတိုင်း ပွဲခေါ်ဆော်ဆီဝို ယူဆော်သွားဂေ့လေရယ်။

ကိုယ်တော်ယေရှုဟလဲ “အယ်မို ဗိမာန်တော်ဝို ဖြိုခလလိုက်ပါ။ ပီးဆိုဝါ သုံးရစ်တွမ်းထဲမှာ ငါပလန် ဆော့ပြမယ်” ဆိုပီး သူနို့ဝို မိတော်မူလေရယ်။

အဲခါ ကိုယ်တော်ဟ ကြိုးနကြာပွတ်ခုဝိုပြုလုပ်ပီး သိုး၊နွား န ချိုးငှက်ရောခလနေသူဒွေဂူလုံးဝို ဗိမာန်တော်ထဲဟ နှံထုလေရယ်။ ကိုယ်တော်ဟ ငွေလဲလှယ်နေလူဒွေရဲ့ ဘွဲဒွေဝိုလဲ လှန်မှော့ပီး ငွေဒင်္ဂါးဒွေဝိုလဲ ဖြန့်ကြဲပစ်ခလလေရယ်။ ကိုယ်တော်ဟ ချိုးငှက်ရောခလနေသူဒွေဝိုလဲ “အယ်မိုဇာဒွေဝို အယ်နေရာဝွီးဝွီးဝို ယူဆော်သွားဂေ့လော့။ အဖဘုရားရှင်ရဲ့ အီတော်ဝို ဈေးမျိုး ပြုလုပ်နေဇာဒွေဝို ရပ်ဂေ့လော့” ဆိုပီး မိပေးလေရယ်။