Genesỳ 18 سے مشہور بائبلی آیات

شئیر

Moa misy zavatra tsy hain’ny TOMPO tanterahina ve? Koa rehefa miverina eto aminao aho amin’ny herintaona toy izao, dia hanan-janaka lahy i Sarà.

Koa nihomehy anakampo i Sarà nanao hoe: «Dia mbola hisy fahafinaretana ho ahy ve amin’izao fahanterako izao sady efa antitra koa ny vadiko?»

Tsy maintsy ho tonga razamben’ny firenena lehibe sy matanjaka izy; ary amin’ny alalany no hitahiako ny firenena rehetra eto an-tany.

Koa nanatona i Abrahama sady nanao hoe: –Dia haringanao tokoa miaraka amin’ny meloka ve ny marina? Angamba mety hisy olo-marina dimampolo ao Sôdôma. Koa haringanao ve io tanàna io? Moa tsy havelanao heloka ve izy noho ireo olo-marina dimampolo ao aminy?

Dia namaly ny TOMPO hoe: –Raha mahita olo-marina dimampolo ao Sôdôma Aho, dia havelako heloka ny tanàna manontolo noho ny amin’ireo.