Utumbuli 21 سے مشہور بائبلی آیات

شئیر

Bambu Sapanga ankombuka Sala, anhengila ngati ejalagila.

Sapanga anzoana mwana jola jakalela, nu ntumi jukunani waka Sapanga ankema Ajili kuhuma kunani, anndalukia, “Ajili gubi na sida bole? Wijogopa, Sapanga jujoini kilelu saka mwana waku kojubii hoku. Jema gunzumua mwana hoju nu kumpolesa mwoju, ndaba nanhenga jubiya atati ba bandu bingi.”

Ibulaimu pajabiii nseja ngani, Sala japata kitumbu ammbelakiya mwana mwanalomi kipindi aselase Sapanga sejabiya anndagi.

Najombi Sala japwaaga, “Sapanga jummbeki kiheku, jokapi jojijoa lijambu heli, jitoguliya pamu na nepani.”

Lakini Sapanga ampwagila Ibulaimu, “Wiibina mwoju ndaba jaka mwana hoju wala ntumwa hoju. Sokapi sejagupwagila Sala guhenga, sakaka ibeleku yaku bihumila kwaka Isaka.

Nukupete mwana waka ntumwa waku najombi nampekiya bana bingi, henu jwibiya atati ba bandu bingi ndaba najombi kabee mwana waku.”