1
Yitenda ya Wapostoli 2:38
Testamende Ghomupya Nopisalemi 1986
MHW1986
Ko kuwahutha Petrusi eshi: “Mu piruke no mupwe kuyogha muDina dyaJesus Kristusi eshi, ghapwe kuthigherera maharwero ghenu. No mbo muna tambura Mupepo ghoKupongoka yira thitapa.
موازنہ
تلاش Yitenda ya Wapostoli 2:38
2
Yitenda ya Wapostoli 2:42
Ha kutapire nomitjima dhawo dhodhihe, kuyihonga yawapostoli no mumayereneno ghofotji nawakungi, no mumakupakerero ghomumakuyarekero nomumandapero.
تلاش Yitenda ya Wapostoli 2:42
3
Yitenda ya Wapostoli 2:4
Waheya ha yarire naMupepo ghoKupongoka, no ha tangire kughamba mandimi ghagho‐nagho, thika kenge gha yi wa pire Mupepo ghoKupongoka.
تلاش Yitenda ya Wapostoli 2:4
4
Yitenda ya Wapostoli 2:2-4
Kapupi kamanana, ko kutunda mavuma muwiru ghokuninga yira dingundunga. No gha vurire mudyango dyodiheya di ha karire. Gho ha monine thinu thokuninga yira maretha ghomudiro, no thatapathanine kwayomuhe ghopapawo. Waheya ha yarire naMupepo ghoKupongoka, no ha tangire kughamba mandimi ghagho‐nagho, thika kenge gha yi wa pire Mupepo ghoKupongoka.
تلاش Yitenda ya Wapostoli 2:2-4
5
Yitenda ya Wapostoli 2:46-47
Kehe diyuwa ha tanarire mukukupakerera wahe pofotji mutembeli. Kutunda ndhugho yenda ndhugho, ha kuyarekerire mughundambo. Yidya yawo ha yi dire noyishamberera mughukumbirupitha, no ghukugha Nyambi. Diko dyodihe dya wa hakire. NaNyambi gha wedhererire kehe diyuwa hanu wa ha pwire kughamwena, kuthitara thombunga dhawatawi.
تلاش Yitenda ya Wapostoli 2:46-47
6
Yitenda ya Wapostoli 2:17
‘Kemo mbo yi kara mumayuwa ghoghuhura, ame waNyambi: Mbo na shurutha Mupepo wange pawanu wahe: hamughundju wenu nawashengeteya, mbana pumbu, hangaghu wenu, mbana mono marupara, hamayami wenu, mbana roto yirota.
تلاش Yitenda ya Wapostoli 2:17
7
Yitenda ya Wapostoli 2:44-45
Wahe wa ha tawire ha karire pofotji, no ha munine yoyiheya mumakupakerero. Nawo ha tokomenine kughuritha mapya ghawo no ghugavo wawo. No manyinga gha, ha kutaperire thika kenge di gha nyanderire yomuhe.
تلاش Yitenda ya Wapostoli 2:44-45
8
Yitenda ya Wapostoli 2:21
Mbo yina kara ngeno: Kehe yu mbo ghetha Dina dyaFumu, mbo ghana pu kughamwena.’
تلاش Yitenda ya Wapostoli 2:21
9
Yitenda ya Wapostoli 2:20
Diyuwa mbo di nerupa, no kaghonda, mbo ka na kihera, mudiyuwa dishokuru dyomwiyero waFumu, mughufumu.
تلاش Yitenda ya Wapostoli 2:20