Ɔrɔmutɔnŋ kiri 6 سے مشہور بائبلی آیات

شئیر

Sabu, bijɛ ki sali ki i beŋ i, nka Kirinŋ shɔɔrinŋ wɔ̀ wɔri-ra ǹʼgbansanŋ i, niŋ i ɲaninkulutɔnbi kɔbali ki i, ninwɔ̀ i wɔri-ra yi Ŋuntiŋ Yesu Kirisa baraka ra.

Bijɛ ki ra so kila ábɛɛ sun kili kì, sabu sariya ki ábɛɛ ŋununtiŋ i kili kì, nka ábɛɛ i Kirinŋ wɔ shɔɔrinŋ ki ru.

Yibɛɛ wumaan ki i miŋ tu yibɛɛ fa Kirisa beeni yimaŋ fan, yi fa ntiŋ kwuu ki i ji ye yimaŋ fan, nwɔma ntiŋ ŋmɛni po san-i konkwuu kiri kanfɛ a Tiŋ ki wɔ sotinbi ki nɔɔri ki baraka ra ɲaan wɔ̀ tɛ, yibɛɛ yɛrima kiri i ɲaninkulutɔnbi ŋunaŋ kila, yi i tiri kɛɲɛ niŋ wu.

Á fa á firi ki mani dantenŋ tu bijɛ ki gbɛ, ŋì i niŋ ji telibalibi baara mafinŋ i kì. Nka, á á yɛri wɔri Kirinŋ tɛ, sabu ábɛɛ beeni wuru-i, nka dɔnsaŋ, ábɛɛ ɲaninkulutɔnbi ŋunaŋ kila-i. Niŋ na, á á firi ki bataa ji telibi ki wɔ baara mafinŋ i Kirinŋ tɛ.

Yibɛɛ ǹʼtɔ-i tu yibɛɛ sɔŋ bwuumaan ki fa Kirisa kpinkpi suu ki sun, nwɔma niŋ bijɛ ma firi ki faan ki i kɔ, yibɛɛ fa ji bijɛ ki wɔ joŋ ni i kili kì.

Mìŋ ɲaan tenŋ ki tɛ, ábɛɛ yɛrima kiri á yɛri shɛɛli miŋ tu ábɛɛ beeni bijɛ ki kɛlintɛ, á ɲaninkulutɔnŋ ni i ji-i Kirinŋ tɛ Yesu Kirisa baraka ra.

Yi a ǹʼdanwɔ bi sa? Yi a tu bijɛ ki ma-a, nwɔma Kirinŋ wɔ shɔɔrinŋ ki i mwɔ wa? Aayi dɛ! Yibɛɛ wɔ̀ri beeni-i bijɛ ki kɛlintɛ, yibɛɛ ra so tu-i bijɛ ma-a dɔɔkunŋ sɛbɛ?

Ábɛɛ ǹʼtɔ tu a ábɛɛ á yɛri wɔri koŋ tɛ, á i á kulu ntiŋ tɛ, tu ábɛɛ ji-a nintiŋ wɔ joŋ i kì wa? A miŋ ji bijɛ ki wɔ joŋ i, niŋ nakɔɔra ki i beŋ i, nka a miŋ ji Kirinŋ wɔ joŋ i, ŋi i nʼkulu ǹʼtɛ, niŋ nakɔɔra ki i telibi i.

Nka, yi Kirinŋ co, sabu ábɛɛ wɔ̀ri wuru bijɛ ki wɔ jonbi ki ru sun, ábɛɛ kali-i sɛli wɔ̀ ra, ábɛɛ á kulu-i niŋ sɛli ki tɛ, á ciiru ki bataa wu. Dɔnsaŋ, ábɛɛ po san-i bijɛ ki wɔ jonbi ki ru, á i de telibi wɔ jonbi ki ru.