Ɔrɔmutɔnŋ kiri 5 سے مشہور بائبلی آیات

شئیر

Nka, yibɛɛ bidi-i Kirinŋ tɛ ɲaan wɔ̀ tɛ, ŋì ninki ji-i yibɛɛ wu ka ɲaan ka tɛ : yibɛɛ wuru faa bijɛmatiiri i, Kirisa beeni-i yibɛɛ bira.

Niŋ gbɛbilimaŋ ki koŋ janfa-a kì, sabu Kirinŋ awɔ bidintɛbi ki bo-i yibɛɛ ciiru fɔ ŋì i ǹʼmwɔ Ɲiniwɔlinŋ ki baraka ra, ŋì ninwɔ̀ wɔri-i yibɛɛ tɛ.

Niŋ bantenŋ i kì, yi i yi ciirudi-a yi cɔɔri bi kiri bira sɛbɛ, sabu yibɛɛ ǹʼtɔ-i, tu cɔɔri ki cɛrukɔlibi wɔri-ra konanmini tɛ. A yibɛɛ yi cɛrukɔli, ninki i ncin-a yibɛɛ i ji dariwulutiŋ ni i cɔɔri waari ki ru. A yibɛɛ ji dariwulutiŋ ni i yi cɔɔri waari ki ru, ninki i gbɛbilimaŋ wɔri-ra yibɛɛ tɛ.

Kirinŋ i yibɛɛ shɛɛli-la koŋ telimaan ni i a ɲaanfɛ niŋ ɲaan ki tɛ, bilinabi ki baraka ra. Ninki i ncin ɲaanfɛfili i de yi fa Kirinŋ faninmwuŋ yi Ŋuntiŋ Yesu Kirisa bira. Yibɛɛ i shɔɔrinŋ wɔ̀ ru dɔɔ, yibɛɛ de-i niŋ nu mìntiŋ ki baraka ra, yi i yi ciirudi-ri Kirinŋ wɔ nɔɔri ki tɛ, sabu yibɛɛ bili-i ǹʼna tu yibɛɛ ra niŋ bishi kila.

Sɛli ki ra, waarinŋ wɔ̀ ru yibɛɛ wuru baraka bali li i, Kirinŋ wɔ waaci gbɛbilimaan ki so-i, Kirisa i beeni Kirinŋ jɛŋ kɛnibali kiri bira.

Dɔnsaŋ, yibɛɛ jimaan ki koŋ telimaan ni i Kirisa cunŋ ki baraka ra, sii ǹʼna ǹʼnu kì, yibɛɛ ra yi mwu Kirinŋ wɔ tɔnkwulu ki wu ntiŋ baraka ra.

Koŋ tenŋ wɔ Kirinŋ wulu pabalibi ki ncin-i Kirinŋ i koŋ mwɔɔnna shɛɛli bijɛmatiiri i ɲaan wɔ̀ tɛ, mìŋ ɲaan tenŋ ki tɛ, koŋ tenŋ wɔ Kirinŋ wulu pa bi ki baraka ra, Kirinŋ i koŋ mwɔɔnna shɛɛli-la koŋ telimaan ni i.

Ŋì i bo niŋ bataa sun, yibɛɛ i yi ciirudi-a kusɛbɛ, yi i yi ragbɛ-ri Kirinŋ wu, yi ŋuntiŋ Yesu Kirisa bira, ninwɔ̀ yibɛɛ fa Kirinŋ faninmwuŋ ki ramɔni-i dɔnsaŋ.