EFESIOS 2 سے مشہور بائبلی آیات

شئیر

O ko clet nuk tuꞌnj t-xtalbil Dios o tzaj tkꞌoꞌn ke. Tuꞌnj kmojbabl kiib tuya Cristo Jesús o ko oc te t-xjal Dios, tuꞌntzen tbint jun baꞌn kuꞌn. Tiꞌj tzunja e tbinchaꞌ Dios ejooꞌ jatxe tuj tneel.

Tuꞌn t-xtalbil Dios kibaj, bix cuma o tzꞌoc ke kcꞌuꞌj tiꞌ Tcwalxin, o ko clet tuj il. Yaaꞌn kuꞌnx ma ko cleta, sino ja coꞌpbil ke jun kcotz tuꞌn Dios. Yaaꞌn tuꞌn ti jilel baꞌn nbint kuꞌn ko cletel, sino tuꞌnj coꞌpbil ke o takꞌ Dios, tuꞌntzen min-al jun ke baꞌn tuꞌn tjaw tniman tiib tiꞌj twitz Dios.

Nim n-oc tkꞌoꞌntlxin lastim ke, cuma nim n-oc kakꞌ texin. Nejl cyimne koꞌ tuꞌn kil. Pero tuꞌnj kmojbabl kiib tuya Cristo, o tzaj tkꞌoꞌn Dios ke jaxj chunkꞌlal e tzaj tkꞌoꞌnxin te Cristo tej tjatz titzꞌjsaꞌnxin tuj cyamecy. Tuꞌn tzunj t-xtalbil Dios kibaj, ma ko cleta.

At mas tipemal Cristo Jesús tuꞌn tcawen tibaj cykilca, bix tuꞌn kmojbabl kiib tuyaxin, nko cawen junx tuyaxin, tuꞌn kcaman tiꞌj taaw il.

Entonces, key hermano yaaꞌn judío, nejl yaaꞌn ejeeꞌy t-xjal Dios. Pero yaaꞌntl tiꞌjxe eteꞌy te t-xjal Dios, sino t-xjal Dios key kuyena. Ya junx elninakey tuya Dios. Ejooꞌ t-xjal Dios tisen jun jaaꞌ. Ke cyxnakꞌtzbil ke tyolel Dios bix ke t-xel Jesús o cyaj cykꞌoꞌn ke, ejeeꞌ tzunja tisen tkꞌukꞌlel jaaꞌ. Bix Cristo Jesús tisentzen xcbil te tipemal