Svun Juan 15 سے مشہور بائبلی آیات

شئیر

»Vo'on li smuc'ta aq'uilon ya'ele, vo'oxuc sc'obtacoxuc. Ti much'u nap'al o ta jtojole, mi teyon ta stojol li vo'on uque, ep chac' sat; yan ti mi ch'acaloxuc ta jtojole mu c'usi spas avu'unic.

Nap'lanic o ta jtojol, chac c'u cha'al li'on o ta atojolic li vo'one. Li c'ob uvae mu satin ta stuc no'ox, ja' to ti mi tsacal ta smuc'ta aq'uile; ja' no'ox yech li vo'oxuque, mu xa satinic ya'el uc mi muc'bu j'ech'el nap'aloxuc o ta jtojole.

»Mi li' nap'aloxuc o ta jtojole, mi chapasic li c'usitic chajchanubtasic oe, c'anic ti c'usitic chac'anique cha'ac'batic.

Mu vo'oticoxuc at'ujicon, vo'on lajt'ujic, lacac'be avabtelic ti ac'u ba satinanique, ti c'u yepal chasatinique, mu xch'ay o sc'oplal. Ja' chayac'beic o scotol ti c'usitic ta jbi chac'anbeic ti Jtote.

Ti much'u sna' xc'anvane, ja' ti much'u chac' sba ta milel ta scoj ti much'u lec sc'opone.

Scotol li c'ob uva ti li'ic ta jtojole, ti mu satine, ta sboj loq'uel; ti mi lec tsatine, ta stuch'be li staqui c'obtaque, ta xch'uba lec, yo' satin o mase.

Li jmantale ja' li'i: C'ano me abaic chac c'u cha'al jc'anojoxuque.

Ti jtote ja' ichbil ta muc' chc'ot o mi ep chasatinique, ja' chvinaj o ti vo'oxuc cajchanc'opoxuc ta melele.

Vo'on li bats'i smuc'ta aq'uil uva c'otemone, ti Jtote ti much'u tsq'uel chabtelan li uvae.

Ti much'u muc' bu nap'al o ta jtojole, ta xich' jipel loq'uel chac c'u cha'al li c'ob uva ti mu satine, ta xtaquij, ts'acal to chich' tsobel, chich' chiq'uel.

»Ti x'elan chacalbeique, ja' yo' junuc o avo'onic chac c'u cha'al jun co'on li vo'one, yo' j'ech'el junuc o avo'onique.

Mi chach'unic li jmantaltaque, j'ech'el jc'anojoxuc o, ja' c'u cha'al li vo'one, ta jch'unbe scotol li smantaltac ti Jtote, ja' sc'anojon o.

Li jmantal chacalbeique: Ja' ti co'ol co'ol xa c'an abaique.

Ti chopoluc to li c'usitic chapasique, lec chayilic chac c'u cha'al lec chil sbaic li stuquique. Pero vo'on la jt'ujic loq'uel tal yo' bu li crixchanoetic ti ja' no'ox tspasic li c'usitic scuenta sba balamile, yech'o ti chopol chayilique, ja' ti ma'uc xa chapasic li c'usitic chopole.