Penameyaya ei 2 سے مشہور بائبلی آیات

شئیر

Go aunu raayo pemeparere nimi reparare go ei komea pa au peme. Ambala pala pame rupa nimimi ni raname na-komeme.

Ambalare nimimi epe aunu pame. Go peapare go ei minyapalaoma nimiri ora lopeme. Nimina pu konenu lekeyoma ambala ririna pisiminde aunu wala pipa. Go aunu na-pilimindare gore monde lamepa nu andiaya kepanu wala yoko mulua.

Ambia go nimi nolame pimi rendaana paalame na-komalepape. Sadani nipumi la andala ara nimi mendapare dipula ma-lopalia. Nimina kendanuri pa yapi di ki laapome komea rendaa neleme. Go au pulu-ainya gole ni repara kone waru rulaoma alepape. Ni repara kone rulaeme eina nimi lu komaliminda pange ora irulaoma kone rulalepape. Go einu raayo wandu alimindare gore endoaya eiri nimina yangi neme gula.

Kale aya ali deandare gore ande Epe Yaakopi Sipiridimi mo Keriso wenaali para da angele waru pangelepape. Go yanda lu pereyalia aliri ande endoaya ei ada repana kili mo Godena mapuna aya ei nena adoa.

Nimimi puame aunu raayo ni kone wi pange naleme pupudenginu raayo ni kone wi. Nimiri pu yoko ria na-pamuame. Koae aunu pimi repaa repara raname na-komeme. Gupuma nimiri ande Godena angele loaema alinu lando aemepare nimu mendaparere yayapi alinumi gole loaeme.

Nimi komeare pu yoko ria na-pameme. Ni mana nimi rendaa ora andaai waru meme. Go peapare nimimi gimi na-komeme.

Kale aya ali deandare gore ande Yaakopi Sipiridimi mo Keriso wenaali para da angele pangalepape. Go yanda lu rambualia repaa parare neme go repaa ande mana enda pangawia ei neme nimu adoa. Go puma pange neme yaakopi kana mandaare pena bi wape pulua. Go biri mendame pange kone na-sula peapare mo kana mida ali nipuna komea kone wilia.