Maka 9 سے مشہور بائبلی آیات

شئیر

Gupuma Yesumi nipu para lalore, Neeme naa rambamilindare neme nee rambamula, lisaya. Angele pangoma siambaya alimi au raayo papeyae, lisaya.

Go gole mo nakina apame wi loma lalore, Angele siambayo, lisaya. Na angele siambayo ei ana na-piliandare neeme rambameae, lisaya.

Gupuma Yesuri mo anda rupara konda pambisayandare wenaali menda na-ainyaloma Yesu nipuna angurapo ara nipuna kou nane raluaisimiya alinumi nipu para gurupa lora pisimiya. Naamere mo remo ralu liape-na-ya eiri akepeandayapae, lisimiya. Yesu nipumi nimu para lalore, Gupi remore Gode repara yainya pi eimi (pange Gode para kone siala ara enda na-ne palu mipi pa alinda) komeare gupi remo ralu diae, lisaya.

Aipare epe rende pialeyapare nipuna rende pi ei mareleandare akipuma wala rende pinya demepae, lisaya. Nimina nimina gole aipa sia alepape, lisaya. Gupuma nimina nimina gole yanda paliala ara alepape, lisaya.

Go lisayanda nipumi nakisi menda muma nimu rupara ainyalomare mo nakisi kupi muma mo nipuna kou nane raluaisimiya alinu para lalore, Ali menda apimi go nongo nakisinu para ipulupa loma pora lomba sialimindare gore ni pange ipu loma pora lombo siademe lisaya. Gupuma ali apimi ni anda miliandare ni komea na-anda midapare ni rapaya Gode pange anda midae, lisaya.

Nimi para ora angele laloae, lisaya. Nimiri Keriso bi memendare ali apimi ipa noma giliandare nipuna epe yangi ora milia, lisaya.

Ali mendame ni para kone rulaeme naki nongosinu nimuna ni para kone rulaeme einu ma-koyaliandare alinumi go ali muma nipuna maa para kana kopena andi lopaoma ipa lee para lopalimindare go eiri rendaa andaai pea ale menda nipu repara pia. Go peapare nipu repara go au piliandare gore epedea. Akepeare nipu pa arare pena Keriso wenaalinu ni repara kone rulaeme ei ma-bembolaliandare gore Godeme nipu para ada pea rendaare ora go ei pange wanduaoma ora andaaipe adea, lisaya.

Nena lee mendame koae au painya deandare go lee yoko ma-rumbape, lisaya. Lee komea ara Godena Ki Rambuao-aya Ei para pelendare epedea, lisaya. Lee laapo alindare mo repana roae lena nee ma-lopalimindare kodea, lisaya.