मरकुस 4 سے مشہور بائبلی آیات

شئیر

तब यीशु उइठ के आँधी-धुका के डाँटलक आउर लहरा से कहलक, “स्थिर रह, थइम जा,” आउर आँधी-धुका थइम गेलक आउर सोउब कुछ स्थिर होई गेलक। यीशु चेलामन के देइख के कहलक, “तोहरेमन काले डराला? का तोहरेमन के एखन तक हों बिसवास नखे?”

इ घटना के देइख के उमन आउर हें बगरा डराय गेलैं आउर एक-दोसर से कहलैं, “इ केहर हेके? आँधी-धुका आउर पानी केर लहरा हों इकर आगया के मानैना।”

यीशु डोंगा केर पिछे बटे मुड़सिरवा लगाय के निंदात रहे, तब चेलामन उके जगाय के उकर से कहलैं, “हे गुरु, हमरे डुबेक वाला अही, का तोके इकर फिकिर नखे?”

उकर पाछे यीशु उमन से कहलक, “जे कुछ तोहरेमन सुनाथा, धेयान से सुना। जेतना बगरा तोहरेमन धेयान से सुनबा, ओतनेहें बगरा समझ तोहरेमन के देवल जाई, बल्कि तोहरेमन आउर हें बगरा समझबा।

फिन यीशु उमन से कहलक, “परमेश्‍वर केर राइज उ किसान जइसन अहे, जे खेत में बिहीन बुनेला। आउर बुइन के उके छोइड़ देवेला आउर बे फिकिर होई के अपन काम करते रहेला आउर बिहीन एइसन ओंकइर के बढ़ेला, जेके उ नी जानेला कि इ एइसन कइसन होवाथे।

अगर केऊ मोर इ गोइठ के धेयान से सुनाथा, उमन इकर बारे में समझेक केर कोशिश करा।”