ယဟ 16 سے مشہور بائبلی آیات

شئیر

အုဝ် ဟဲ့ ကာလာင် ဒီ ဘေ လွင် ဇိုဝ် တီ ဘဲန် မျုဝ် ဘဲန် မျုဝ်၊ တဲး ဘေ ညှိုမ် အုဝ်၊ တဲး ဘေ မိုဝ်း နဝ်း ဂျီတ်။ ဒဲင် ကာဒါယ် နီ ဘေ ဒီ ကာဒုး ဒုက်။ ကွဲ့ တဲး န့ ဘဲန် နဝ်း လိုဝ် ဒီ ဘေ။ အုဝ် ဟဲ့ ပဲ တူတ့် ဒွန် မျုဝ် အီ ကွယ် ဒဲင် ကာဒါယ် နီ။”

န့ ယီ မုး နဝ်း ဖွိုမ် ဇဝ်ဖြာ အီ တဲး ဘေ နပ် နာ မှာန်၊ ဆေ အန် ဟီ တး၊ အန် ဒီ ဘျ တူတ့် ဒွန် မျုဝ် ဒီ ဘေ လွင် အီ မှာန် အီ မုး။ အန် တူ ကာလာင် ဒီ ဘေ အီ လေး ခဲင် အာငျာန် အန်။ အန် ဒီ ဝီ ခဲ ဒီ ဘေ ခဲ့ ယိုဝ် အန် ဂြုဝ်း ဇဝ်ဖြာ။ အန် ဒီ ဘော ခဲ ဒီ ဘေ လွင် ပီ ဒီ ပါယ် ဘဲန် မျုဝ် ဘဲန် မျုဝ် အီ ဒီ ဘဲန် နာ အာတ့်။

ကော ဇမ် အာတိုဝ်၊ ဘေ တူ ဒွိုမ် မှာန့် မာဆေ ဒီ ဇဝ်ဖြာ ကူပ် ညှိုမ် ဘေ ဒီ အုဝ်။ တဲး ဘေ မှာန့်၊ ဘေ ဒီ ဘော ပွိုန် ခဲ့ ပီ မှာန့် ဘေ တီ။ ပန် တီ နဝ်း ဘေ ဒီ ဒါခိုယ်၊ အာဝ် ဟူ လုဝ် မာဆေ။

အုဝ် ယီ တဝ်း အာခ်ု ဒီ ဘေ၊ ဆေ အုဝ် လေး တ ဒူင် ကွယ် ဘေ၊ န့ ဒီ ဘဲန် အာဂျိုဝ် ဒီ ဘေ။ ဆေ အုဝ် တူ ဟာဝ်၊ အီ ဒီ စွယ် ဘေ တူ တး။ ဆေ အုဝ် ယီ ဟာဝ်၊ အုဝ် ဒီ တိုယ် အန် တး ဒီ ဘေ။ ဆေ အန် တး၊ အန် ဒီ တဲး ဒူအီ ဒဲင် ကာဒါယ် နပ် ဆီချာ လွင် မှာပ် ဂေ။ အန် ဒီ ဘော တဲး ဂေ နပ် လွင် နာ မှာန် နာ မွှိုမ် ဘော လွင် ဇဝ်ဖြာ ဒီ ဒမ် မှာပ် ဒီ အီ။

န့ ဘော ပါယ် တီ ဒီ နဝ်း ဘေ။ ဒေါ တီ နီ နဝ်း ဘေ ဟဲ့ က့လိုဝ်။ အုဝ် ဒီ ဝီ တး၊ တဲး ဘေ ဝီ ယိုဝ် အုဝ်။ ဒေါ အန် တီ နဝ်း ဘေ ဒီ ဝီ ဒါခိုယ်။ ဟဲ့ ဟွတ့်၊ န့ တူ ဝီ မိုဝ်း အာဆေ အီ ပဲ ဒီ ဘူင် ကွဲ့ တဲး ဘေ ဒါခိုယ်။ ဆေ န့ ဟီ ဇမ် အာခြာဝ် တီ၊ ဘေ တူ ဝီ ဒီမွှတ် အုဝ် လွင် ဘဲန် မျုဝ် ဘဲန် မျုဝ်။ အုဝ် ယီ တဝ်း အာခ်ု ဒီ ဘေ။ ဆေ ဘေ မှာန့် ဒီ ဇဝ်ဖြာ၊ ဂါဝ် ပွုန် အုဝ်၊ ဂုန့် အုဝ် ဒီ ဒွါ တူတ့် ဒွန် မျုဝ် ပီ မှာန့် ဘေ။

အုဝ် တဝ်း အာခ်ု ဒီ ဘေ။ ဂေ ဒူအီ ဒဲင် ကာဒါယ်၊ ဂေ ဒီ ခူယ် ကာဆဝ်။ ဒေါ အန် တီ ဘေ ယီ ဒီ ယာမ် ဘော မိုဝ်း နဝ်း က့လိုဝ်။ နဝ်း က့လိုဝ် ဘေ တီ၊ ယီ ဒီ ဝီ ဘဲန် နဝ်း ဒါခိုယ်။