रोमी 6 سے مشہور بائبلی آیات

شئیر

काकरेकी पाप कर्लक ईनाम मृत्यु हो। पर जोन वरदान परमेश्वर हम्रिहिन्हे देथाँ, उ वरदान सदाकालके जीवन हो, जोन जीवन हमार प्रभु येशू ख्रीष्टमे मिलत।

तब तुहुरिन्केमे पापके कौनो अधिकार नै रहिहिस। पाप तुहुरिन्केमे राज नै करी। काकरेकी तुहुरे मोशक नियम कानुनके अधिनमे नै जिथो। पर परमेश्वरके अनुग्रहक अधिनमे बतो।

तबेकमारे जब हम्रे डुब्कि लेली ते हम्रे मुगिली, और ख्रीष्टके संग दफ्नादेगिली। ताकि जसिके परमेश्वर बाबक महिमासे ख्रीष्ट मुअलमेसे फेनदोस्रे जित्ती हुइलाँ, ओस्तेहेँके हम्रे फेन लावा तरिकासे जीवन जिअब।

और ना अपन शरीरके अङ्गहे खराब उद्देश्यक लग प्रयोग हुई देऊ। पर अपनहे मुअलमेसे जित्ती हुइल बती कहिके अपन जीवन परमेश्वरहे दैदेऊ। और अपन शरीरके अङ्गहे सही काम करक लग पूरा रुपमे परमेश्वरहे दैदेऊ।

और हम्रे जन्थी कि हमार पुरान पापी स्वभाव येशू ख्रीष्टके संग क्रूसमे टँगागिलस, ताकि हमार शरीरके पापी स्वभाव नाश होजाए, और आबसे हम्रे पापके अधिनमे ना रही।

अस्तेहेँके तुहुरे फेन अपनहे पापके शक्तिक लग ते मुगिलो कहिके सम्झो, पर आब तुहुरे येशू ख्रीष्टमे परमेश्वरके सेवा करक लग जिथो।

आब हम्रे का कही ते? शायद तुहुरे सोँचथुइबो कि परमेश्वर अपन अनुग्रहक कारण हमार पापहे माफ करथाँ, तबेकमारे चोलो हम्रे पाप करी! पर हम्रे असिके नै सोँचे परत। पर नै हो! बिरकुल नै हो! हम्रे पापके लग मुसेकल बती, तबेकमारे हम्रे पाप कर्ती रहे नै परत।

तुहुरे जन्थो कि जब तुहुरे अपनहे केक्रो गुलाम हुइक लग उहिहे दैदेथो। तब उ मनैया तुहुरिन्के मलिक्वा होजाइत। और तुहिन्हे वहे करे परत, ऊ ज्या कहत। तुहुरे पापके गुलाम बने सेक्थो, जे मृत्यु ओहोँर लैजाइत। या ते तुहुरे परमेश्वरके आज्ञा पालन करना रोजे सेक्थो, जे धार्मिक जीवनके ओहोँर लैजाइत।

पहिले तुहुरे पापके गुलाम रहो, पर आब तुहुरे उ शिक्षाहे पालन कर्लो, जोन शिक्षा तुहुरिन्हे देगिलस। तबेकमारे मै परमेश्वरहे धन्यवाद देहतुँ। और परमेश्वर तुहुरिन्हे पापके बन्धनसे छुटैले बताँ, और तुहुरे परमेश्वरके गुलाम बनगिलो ताकि तुहुरे वहे करे सेको, ज्या सही बा।