रोमी 5 سے مشہور بائبلی آیات

شئیر

पर परमेश्वर हमार लग हुँकार प्रेम यम्नेहेँ देखैथाँ, कि हम्रे पापी रहलेमे ख्रीष्ट हमार लग मुगिलाँ।

आशा हम्रिहिन्हे निराश नै कराइत। काकरेकी जोन पवित्र आत्मा परमेश्वर हम्रिहिन्हे देले बताँ, वहे पवित्र आत्मक माध्यमसे ऊ हमार मनहे अपन प्रेमसे भरदेले बताँ।

अतरा किल नै हो, पर जब हम्रे समस्यामे रथी, तब फेन हम्रे रमैथी, यी जानके कि जब हम्रिहिन्हे समस्या आइत, तब हमार सहे सेक्ना क्षमता बहरजाइत। काकरेकी हम्रे सहे सेकदर्थी, तबेकमारे परमेश्वर हम्रिहिन्हे स्वीकार करथाँ, ओक्रेहे कारण हमार थेन आशा बा।

तबेकमारे विश्वासेके कारण परमेश्वर हम्रिहिन्हे धर्मी ठहरैलाँ। और प्रभु येशू ख्रीष्टके हमार लग कर्लक कामसे हमार सम्बन्ध परमेश्वरसे शान्तिपूर्ण हुइल बा। हमार विश्वासके कारण ख्रीष्ट हम्रिहिन्हे अनुग्रहमे नानल बताँ, जहाँ अब्बे हम्रे ठरह्याइल बती। और निर्धक्क होके और आनन्दसे हम्रे परमेश्वरके महिमामे शामिल हुइना आशामे बती।

काकरेकी जब हम्रे कमजोर रही, तब ख्रीष्ट परमेश्वरके तोकल समयमे अधर्मी मनैनके लग मुलाँ।

परमेश्वर हम्रिहिन्हे धर्मी ठहरैलाँ, काकरेकी ख्रीष्ट हमार लग मुलाँ, और हमार पापके लग अपन खुन बहैलाँ। तबेकमारे ख्रीष्ट पक्कै फेन हम्रिहिन्हे परमेश्वरके रिससे बँचैहीँ।

काकरेकी जसिके एक्केथो मनैयक अनाज्ञाकारितासे बहुत्ते जाने पापी बनागिलाँ, ओस्तेहेँके एक्के जहनके आज्ञाकारितासे बहुत्ते जाने परमेश्वरके नजरमे धर्मी बनाजिहीँ।

और अतरा किल नै हो, आब ते हमार प्रभु येशू ख्रीष्टके माध्यमसे परमेश्वरसे हमार मिलाप होगिल बा; तबेकमारे हम्रे परमेश्वरमे खुशी बती।