यूहन्ना 5 سے مشہور بائبلی آیات

شئیر

जात्तिके, मै तुहुरिन्हे कहतुँ, जे मोरिक वचन सुनत और महिन्हे पठुइयकमे विश्वास करत, उहिहे सदाकालके जीवन मिल्हिस, और उहिहे दण्ड नै मिल्हिस। पर ऊ सदाकालके मृत्युसे बँचगिल बा, और आग्गिहीँसे लावा जीवनमे जासेकल बा।

येशू उहिहे वहाँ पस्रल देख्लाँ। तब् नम्मा समयसे ऊ यी दशामे बा कहिके जानके येशू उहिहे पुँछ्लाँ, “का तुँ चोखैना चहथो?”

तुहुरे पवित्र शास्त्रमे मनन करथो, काकरेकी तुहुरे यी सोँच्थो कि ओम्ने तुहुरिन्हे सदाकालके जीवन मिली। और यी वहे पवित्र शास्त्र हो, जे मोरिक बारेमे गवाही देहत। तभुन फेन तुहुरे सदाकालके जीवन भेटाइक लग मोरिक थेन आई नै चहथो।

येशू उहिहे कलाँ, “ठरह्याजाऊ, अपन दरी उठाऊ और नेँगो।” उ मनैया जुरतेहेँ चोखागिल, और अपन दरी उठाके ऊ नेगे लागल। यी यहूदिनके बिँसैना दिनमे हुइल रहे।

यम्ने येशू ओइन्हे कलाँ, “जात्तिके, मै तुहुरिन्हे कहतुँ, मै, छावा अप्निहीँ कुछु करे नै सेक्थुँ। पर बाबाहे ज्या करत देख्थुँ, वहे किल करथुँ। काकरेकी बाबा ज्या करत, छावा फेन वहे करत।