२ कोरिन्थी 5 سے مشہور بائبلی آیات

شئیر

तबेकमारे यदि केऊ ख्रीष्टहे विश्वास करत कलेसे ऊ लावा स्वभाव भेटैले बा। पुरान बात बितगिल बा, हेरो, उ सक्कु लावा होगिल बा।

ख्रीष्टमे कौनो पाप नै रहिन, और हुँकिनेहे परमेश्वर हमार पापके लग दान करदेलिन। तबेकमारे हम्रे परमेश्वरके नजरमे धर्मी बने सेकी कहिके ख्रीष्ट हमार पापके दण्ड अपन उप्पर लैलेलाँ।

तबेकमारे हुँकिन्हे देख्लक कारण नै होके हुँकारमे विश्वास कर्लक कारण हम्रे जित्ती रथी।

यी सक्कु परमेश्वरके ओहोँरसे हुइलक हो, परमेश्वर ख्रीष्टहे अपन और हमार बिच्चेम मिलाप कराइक लग पठैलाँ। और ऊ हम्रिहिन्हे अपन और मनैनके बिच्चेम मिलापके सेवा देले बताँ। अथवा ख्रीष्टके कर्लक सक्कु कामके माध्यमसे परमेश्वर सक्कु मनैनहे मिलापमे नानक लग एकथो डगर बनाइतिहिँत। और परमेश्वर मनैनके पापके हिसाब नै लेके शान्तिक बारेमे ऊ अपन सन्देश प्रचार करक लग हम्रिहिन्हे जिम्मा लगादेले बताँ।

तबेकमारे हम्रे ख्रीष्टके राजदूत हुइती, और परमेश्वर मनैनहे हमार माध्यमसे हुँकार सन्देश स्वीकार करक लग अनुरोध करथाँ। ख्रीष्टेके ओहोँरसे हम्रे तुहुरिन्हे अनुरोध करती कि तुहुरे परमेश्वरके संग मिलाप करलेऊ।

और ख्रीष्ट सक्कुहुनके लग मुलाँ, ताकि जेने जित्ति बताँ ओइने आबसे अपनहे किल खुशी पारक लग ना जिइँत, पर ओइने हुँकार लग जिए परत। ऊ ओइन्के लग मुलाँ, और परमेश्वर हुँकिन्हे फेनदोस्रे जिवादेलाँ। तबेकमारे आबसे हम्रे केक्रो मूल्यांकन बाहिरी चिजके आधारमे नै करब। और हम्रे ख्रीष्टहे एकथो समय बाहिरी चिजके आधारमे हेरल रही, पर आबसे हम्रे हुँकिन्हे असिके नै हेरब।

ख्रीष्टके प्रेम हम्रिहिन्हे मजबुर कराइत। तबेकमारे हम्रिहिन्हे यी पक्का बा कि एकथो मनैया सक्कु मनैनके लग मुगिलस। तबेकमारे सक्कु मनै मुगिलाँ।