२ कोरिन्थी 4 سے مشہور بائبلی آیات

شئیر

और हम्रे देखल चिज नै हेर्थी, पर नै देखल चिजमे ध्यान देथी। काकरेकी देखल चिज थोरिक दिनके लग किल हुइँत, पर नै देखल चिज सदादिन पलिरहत।

तबेकमारे हम्रे हरेस नै खैथी। हमार बाहेरके शरीर नाश हुइती गैलेसे फेन हमार आत्मा भर दिनदिने लावा हुइती जाइत। काकरेकी अब्बेक समयमे हमार दुःख थोरचे किल बताँ, और नम्मा समयसम नै रही। काकरेकी यकर नतिजा सदाकालके महिमा हुई, जोन महिमा हमार सोँचे सेक्नासे फेन धेउर रही।

मनै हम्रिहिन्हे बहुत तरिकासे लगातार सतैती रथाँ, पर परमेश्वर येशू ख्रीष्टके सन्देशहे औरे जहनहे सिखैनामे रोक्ना अनुमति नै देलाँ। हम्रे खराब परस्थितिमे का करना हो कहिके नै जन्थी, पर हम्रे असिके कबु नै कथी कि परमेश्वर हम्रिहिन्हे छोरदेले बताँ। हम्रे लगातार सटागिल बती, पर परमेश्वर हम्रिहिन्हे कब्बु नै एक्केली छोरलाँ। कबुकाल मनै हम्रिहिन्हे नै मजासे अरघताहा बनादेथाँ, पर परमेश्वर हम्रिहिन्हे मुए नै देथाँ।

और आब हमार मनमे हमार संग रलक यी ओजरार चम्कता, पर हम्रे अप्निहीँ बहुमूल्य धन भरल कमजोर माटिक भाँरा हस बती। यिहिसे यहे बुझे सेकजाइत कि यी महान शक्ति परमेश्वरके ओहोँरसे हो, हमार ओहोँरसे नै हो।

और यी संसारके ईश्वर शैतान उ अविश्वासीनके बुद्धिहे आँधर बनादेले बतिन। ताकि ओइने ख्रीष्टके महिमक बारेमे खुशीक खबरमेसे अइलक ओजरारहे देखे ना सेकिँत, जोन ओजरार परमेश्वर कसिन बताँ कहिके देखाइत।

तबेकमारे परमेश्वर कलाँ, “अंधारमेसे ओजरार चम्के।” और वहे परमेश्वर हमार मनमे ओजरार हस हम्रिहिन्हे अक्किल देलाँ, ताकि हम्रे येशू ख्रीष्टकेमे देखगिलक परमेश्वरके महिमाहे देखाई सेकी।