१ पत्रुस 5 سے مشہور بائبلی آیات

شئیر

परमेश्वर तुहुरिन्के वास्ता करथाँ, तबेकमारे अपन सक्कु चिन्ता परमेश्वरहे दैदेऊ।

परमेश्वर, जे पूरा रुपमे अनुग्रह करथाँ, येशू ख्रीष्टके संगक हमार सम्बन्धक कारण अपन सदाकालके महिमामे हम्रिहिन्हे साझेदार हुइक लग बलैले बताँ। तुहुरे कुछ समयसम दुःख भोगके सेक्बो ते परमेश्वर तुहुरिन्हे मजा बनैहीँ, ताकि तुहुरिन्केमे कुछु गल्ती ना रहे। और ऊ तुहुरिन्के मनहे बल्गर बनैहीँ, और पक्का हुइक लग हुँकारमे विश्वास करनाहाँ बनैहीँ।

होश करो, जागल रहो, काकरेकी तुहुरिन्के दुश्मन शैतान मनैनहे नाश करक लग चारु ओहोँर घुमता। उ गर्जना सिंह हस किहिहे भेटाऊँ, और खादारुँ कना मौका खोज्ती रहत। तुहुरे अपन विश्वासहे पक्का बनाके ओकर विरोध करे परत। याद करो कि संसारभर रहल विश्वासीनहे फेन अस्तेहेँ दुःखके अनुभव करे परतिन।

तबेकमारे परमेश्वरके आघे अपनहे नम्र बनाऊ, जे सुरक्षा देहक लग बल्गर बताँ। ताकि ऊ ठिक समयमे तुहुरिन्हे सम्मान दिँत।

ओस्तेहेँके हे जवानो, मण्डलीक अगुवनके अधिनमे बैठो। तुहुरे सक्कु जाने नम्रतासे एकदोसर जहनहे सहयोग करे परत। काकरेकी पवित्र शास्त्रमे असिके लिखल बा, “परमेश्वर घमण्डी मनैनके विरोध करथाँ, पर नम्र मनैनहे ऊ अनुग्रह करथाँ।”