ฆท 5 سے مشہور بائبلی آیات

شئیر

อี มูห อาฆยึร ปี ดัว น็อห พึอม เฌาพรา ดี เอ, อึณ บอ แตห เอ นับ ดี ลาย ร็อก, แตห เอ มึห น็อห ดาคึย, น็อห เยน, น็อห คัม ดี ยืน, น็อห ซี เฆฌู อี, โบง นา หมึอม ดี อี, โบง นา หมาน เซเซ, บอ น็อห อึณจูะ อึณจัม, น็อห อี แป ดี อึบ โดว บรีม เอ. เซ เอ มึห น็อห ฌึร ตี ดอน โมยว, อึณ ตู กาบัห ดี ดารา เฌาพรา คอ อู ณ็อง.

โคว, โอว ต็อห ดี เบ, แตห เบ โบง โดบ ปี บยัะ น็อห พึอม เฌาพรา ดี เบ. เซ เบ โบง ปาย ตี, เบ ตู โบง โดบ ปี อึง น็อห บรีม เบ อี ออน ดี โบง หมาบ เซเซ.

โกบ แฮะ ดัว น็อห พึอม เฌาพรา อาซาก กามาย ดี เอ, แตห เอ โบง โดบ ปี อึง น็อห พึอม เฌาพรา.

ดูอี อี แฮะ แตห เฌา เยซู แบน ดา กาณา อี อึบ เฆ, เฆ แฮะ แตห น็อห บรีม เฆ ยัม แดง ร็อง กาแวะ. บอ น็อห กาวาต เฆ บอ ปี อึง น็อห บรีม ตี ดอน โมยว แฮะ ฮอต ยัม โดบ เฌา เยซู.

ปี อึง น็อห บรีม เอ ดูอี, อึณ แฮะ ลึห ซีคยา. อึณ บอ มูห น็อห ซี ลาย ลูต ลาย ลาย, บอ น็อห กาวาต, น็อห ซี โบง อี หมึอม กาอีห หมึอม กาดาต. บอ น็อห ซี กรึบ อารึบ ราง, ฆาว ปวน กานัม, บอ น็อห อี ฌ็อง อี เฮา, ตู ลาย ซีเพา ดี อี, บอ หลัยะ อี เฮา, บอ น็อห รู จาว ดี อี, ลาย กาแคต ลาย กาแคณ, ลาย กาฆ็อห ลาย กายาน, บอ น็อห ลาย กาย็อห กาเรห. อึณ บอ มูห น็อห ซี ลาย ซีแฆะ, บอ เดียง ป็อห แตห กอ ยึต, บอ ลึบ บลอย โบง ซีนัน ซีนืง. ลอง ฌึร ตี, ดอน โมยว โอว แฮะ ฮอต ดึอม ดัม ซาดีก ดี เบ. ดอ ตี นี, โอว ปี วี กาลาง ดี เบ ปอ อู เฌณ ต็อห, ดูอี อี โบง ปาย ตี, เฆ ตู ปึอน ดี ลึบ แคง มืง ปี อึบ เฌาพรา.

เบ บีนอง, เฌาพรา แฮะ ซี แตห เบ กอย ทังฮาง. โกบ แฮะ กอย ทังฮาง เบ ปาย ตี, เบ แกวะ แตห เบ วี โบง แคะ ปี อึง โดว บรีม เบ. แตห เบ ยี ลาย จอย, ลาย ร็อก กาเว.

โคว, ปี อึง น็อห บรีม เอ ตี, อึณ ลาย กาบัห ดี ปี อึง น็อห พึอม เฌาพรา. บอ ปี อึง น็อห พึอม เฌาพรา, อึณ บอ ลาย กาบัห ดี ปี อึง น็อห บรีม เอ ตี. น็อห อา โมยว ตี, บอ ลาย กาโฆห แคง น็อห เบ, แกวะ แตห เบ โบง ปี ซี โบง เบ.

โคว, แคะ มึห ดารา ดอน ณ็อง, ซีเพา อัน แฮะ ปึอน ฮับ แคง ดารา อู ณ็อง อี ต็อห, “แตห แม ร็อก อี เฮา, แตห อึณ ปี แม ร็อก โดว แม.”

แตห เอ แวน น็อห ปีคึก ปีจา, น็อห อี ลาย ปยาต แตห อึณ แบน ดอซัะ, บอ น็อห ลาย ซีแฆะ ลาย หลัยะ.

เฌา เยซู แฮะ แตห เอ ลอด, แตห เอ กอย ทังฮาง. อาว โลว วี แบน หมาย ปอ อู เฌณ. แตห เบ หณึม ซีคยา, แกวะ แตห เบ วี คัม ดูก ปี ปี โลว คัม หมาย.