กซ 3 سے مشہور بائبلی آیات

شئیر

แตห เบ คัม ปี โบง อี เฮา, อี ตู ล็อะ น็อห เบ. เซ ดูอี แฮะ ลูต เบ, แตห เบ วี ลาย ฆ็อห แวน หมาบ. แตห เบ ฆ็อห แวน หมาบ ปี เฌา เยซู แฮะ ฆ็อห แวน หมาบ เบ.

แกวะ แตห น็อห เบ กาดึก กาด็อะ แบน โมยว แบน โมยว อี กอย แดง กาดาย นี. แตห เบ กาดึก กาด็อะ โมยว อี กอย นา แดง แคง ฆางหราว.

เบ บอ โบง โมยว เหมา, แตห เบ คัด น็อห ดี โบง, แตห อึณ ปี เบ โบง ฆาน เฌาพรา, แกวะ แตห อึณ ปี เบ โบง ฆาน ดูอี.

เบ มูห ดูอี ปี ร็อห เฌาพรา, ดูอี ซีงา บอด, ดูอี ปี ร็อก อัน. โคว อัน ตี แตห เบ ดึห น็อห กามาย, แตห อึณ ปี เบ ชึบ ครึง กามาย. แตห เบ มึห น็อห ดีฮาง, น็อห ร็อก กาเว, น็อห เตียม, น็อห อึณจูะ อึณจัม, น็อห คัม ดี ยืน เหลณ.

แตห โฆรห ปี มาโนว เฌา เยซู ลึบ กืน แคง น็อห เบ. แตห เบ ดึห อางยาน ดอน โมยว, ลาย มาโนว บอ ลาย ดัว ซาดีก. แตห เบ บอ ต็อห โหมว ทัม, ต็อห อึณเจณ ลอง เฌาพรา, อี เลห แคง น็อห เบ โกบ โหลห เบ ฆูง เฆฌู เฌาพรา. เบ บอ กาลาง โฆรห, เบ บอ โบง มาเซ, แตห เบ โบง โตต ดอน โมยว โกบ หณึม เบ เฌา เยซู. แตห เบ ดาง ฆูง เฆฌู ดี เฌาพรา โกบ แปะ แฮะ โบง เฌา เยซู ดี เบ.

แดง ตี, แตห เบ ลาย ร็อก. น็อห ร็อก ตี, ดี ปา กาฌูะ น็อห เบ, แตห เบ แบน อู น็อห.

อึณ ปาย นี. เบ แฮะ ปึอน อาซาก กามาย ปี เฌา เยซู แฮะ ปึอน อาซาก กามาย ดอ แฮะ วี ยีต วี อีม อัน วาย แฮะ ฮอต ยัม อัน. โคว อัน ตี แตห น็อห เบ กาดึก กาด็อะ ดี โมยว อี กอย นา แดง. นา แดง ตี มูห โดง กอย เฌาพรา. เฌา เยซู บอ กอย บลาก อาอัห เฌาพรา.

แตห เบ ดึห น็อห ฆัด เฆียด ปี ดัว เฌา เยซู, แตห อึณ อึบ น็อห เบ. เฌาพรา แฮะ แดะ กาฌูะ เบ, แตห เบ แบน อู พึง อี ปี โดว โบ็ง อู โบ็ง, แตห เบ ลาย กาล็อะ แบน อู น็อห. โคว อัน ตี แตห เบ ดาง ฆูง เฆฌู ดี เฌาพรา.

โคว อัน ตี เบ โลว แวน โตต ดอน โมยว อี โดบ น็อห บรีม, อี แฮะ ฮอต ยัม. โมยว ตี, อึณ บอ มูห น็อห ซี ลาย อีบึณ, โบง อี หมึอม กาอีห แบน โมยว แบน โมยว, บอ น็อห กาวาต, น็อห ซี โบง มี อี ตู หมึอม บอ น็อห ลอพัะ. อาเซ มึห น็อห ลอพัะ ตี, อึณ ปี อัน กรึบ อารึบ.

โคว, อึณ ปี โดว บรีม เบ แฮะ ฮอต ยัม. อาซาก กามาย แปะ แฮะ ปึอน เบ, อึณ กอย รึม โดบ เฌา เยซู อี กอย โดง กอย เฌาพรา. ลอง อัน ตี อึณ ยี ตู ลึห ดี อี เฮา.

มาแล, ดอ ตี นี, เบ โลว แวน น็อห ฌึร ตี ดอน โมยว. อึณ บอ มูห น็อห หงึย รู, น็อห ดอซัะ, น็อห จีจีว, แค จาว อี, บอ กาลาง โฆรห อี หมึอม กาอีห.

แกวะ แตห เบ ลาย กาลาง โฆรห กาโลว, โฆรห ตู หมาน. โคว, เบ แฮะ ฮอต แวน น็อห บรีม เบ บอ ปี ดึอม โบง น็อห บรีม ตี. อึณ ปี เบ แฮะ กาปลูะ ครึง, แฮะ แวน ครึง บรีม. ดอ ตี นี, เบ โลว ดึห น็อห กามาย ตี, แตห อึณ ปี เบ ชึบ ครึง กามาย. น็อห กามาย ตี, เฌาพรา บอ อึณปราย เซเซ, แตห เอ นับ ซีคยา อัน, แตห ปี โบง เอ ปี ปี โบง เฌาพรา อี แฮะ พาน เบลห น็อห กามาย ตี.

เบ อี มูห อีมาย, แตห เบ ร็อก อีบึณ เบ. แกวะ คาหนาบ เฆ.

เบ อี มูห ฆอน, แตห เบ โทม โฆรห ฆูณ มา เบ ดอน โมยว. เซ เบ โบง ปาย ตี, อึณ แฮะ ล็อะ น็อห เฌาพรา.

เบ อี มูห อีบึณ, แตห เบ คัม ดี โทม โฆรห อีมาย เบ. โคว, เซ เอ หณึม เฌา เยซู, อึณ แฮะ กาอาบ โบง ปาย ตี.