Esima 2 سے مشہور بائبلی آیات

شئیر

Pyere ŋa bo ndi: «Lekala etuma e be ŋaa mbuuru ŋa mbuuru kayaga ateemi ma a Jezu Masiya, mabuni maami a be maabi abologo. Ŋaa be le eje kabaga bugu le mpa Njyami be, Oduduma Cece.

Ŋaa bo kiigi akivuŋuŋa cugu ŋa cugu ma kayaa eyizigi ba kiigi mpa antuma, ma kayamba mbuuru ŋa mbuuru, ŋaa ma kaja biri lemo ŋa ma kabwono bila abuga.

Bo kiigi a maaluula ma Oduduma Cece, ŋaa bo yiga ba alyele nca ajui akima, mva lemigi lempi Oduduma ndi bo alyele.

Parabu ŋaa, mono lesugu le wi yulu mva ka aruma pyebi leenini, ŋaa njo eso ye ba aka bo eluuli ma kakuru kia. Ŋaa mono ampele mva ampele a mbaa ka ma acalaga kayila ecu e mbuuru ŋa mbuuru. Bo kiigi a maaluula ma Oduduma Cece, ŋaa bo yiga ba alyele nca ajui akima, mva lemigi lempi Oduduma ndi bo alyele.

Cugu ŋa cugu, antini aso bo ba kavunuŋa nca lebugu le Njo Njyami, bo ba ka kaba lempeembe nca anjo ŋaa bo ba kaja biila ŋa kase bila etuma beeve. Bo ba kaseme Njyami ŋaa baari aso kiigi ŋa njala bo. Ŋaa cugu ŋa cugu Mfumu kalusa oju o baari ba anyarigi ba avuzugi nde.

«Mono jaa ye yeya ma ecugu embiza, mva kadugi Njyami: Mi eje kacala Oduduma mi kayila baari ba omuon, Baana ba abalaga bila ba akaazi baaje kalyele ma mi. Mi emvyere kalogo ma enkere e be, ŋaa mpila ekubu mi etuma aluoro.

Ayaligi aso kiigi jaa lemo ŋaa beekiigi ŋa bo aki kaba mpanaŋa bo. Bo ba katege kabaga ka bo bila elogo e bo, ŋaa ampara ma bagi bo, bo ba kaba bugu le ampara maa ma akaama a mbuuru ŋa mbuuru.

Ŋaa mpini mbuuru wo acwolo Mfumu avuuga.»

Muyi aje kayuuya ŋa ngondo abye mva togi, eli cugu le Mfumu lekini se kato ŋi, ma cugu leenini lya bila la lekuma.