Evesus 4 سے مشہور بائبلی آیات

شئیر

Hian, homo i hanguruen homo, homo golnisden homo, golmu i ndud longu hendre e hendre, su gin hinen ndro mu, dege Jehova goin i rud longu masi adu le ngarn ad Kristo.

Mbue hanguruen manden le ademu, ir belengen su, su heb ndoa bui, mbue ndoun ndro su, homo golnisden homo, homo i sobani homo.

Mbue absou nongen molhege, de nongen momen ge, hian absou nongen hian ge, le longu hendre e hendre i danen sobani su, i danen bo hian le ndro su, su hirong i.

E bieni gus, e iil, e bieni nongen momen, mbue rodi, mbue boii, e bieni longu masi momen, e bern momen.

Ar ndrnemu i mah, mbue bo longu momen. Gus ademu i da ge ndro mu bui, ar mernal gin glol. Heb logna ad Satan le bergolmu bugane.

Mu de dogi malabo dege mu gin dogi mahanu bui, mu gin bieni longu masi sagen ber goru, mu gin daii ndramed sagen ber goru, i da gin bahilou ndro mu sidesi. Mu gin ibdi bern houen, meluan rosan ge. Hian, mu ibdi bern ad ndramed houen, i sameluan ad Jehova, i dogi monen ge, i da gina rosan ge.

Benu ge i da le molengamu, ghanguruen bersi ge gle Meluan Helian.

I ge, i gin hinen su holel le Apostel aden, su holel gle su Provet aden, su holel le su ndremda hernou aden, su holel dansu bogulue bergolsu ndramed, su holel dansu henunuen su gle hian. I gin hengen dagara le ndro su lao aden, i ha lengi i, su lao aden helian dansu bo mburer le lodu asu lao aden hian monen ge. Dansu henunuen su monen, su gu mengseni mandrn ad Kristo gleri. Bersi muren iou da gin boro ndoui ad Ndorlaben bersi ge, iou gle ndro i, dandu Ndur Jehova hian monen ge, boen iou ndoa dege su hian, iou gin menda gle ndoui ad Kristo.

I mbueren iou dege su mamemei, de iou dege su mbunana su da heb ndoa bui. I mbueren be su henunuen du gle momen be su bahilou le ndro du gle henunuen asu, iou ghirong nongen asu, iou ndoa le ndro su bui. I mbueren iou dege noui ber ndas, hai i buldi i, i hilou le horo, ma le horo. I ha lengi i, iou gmenda gle henunuen adu monen ge, iou gmenda le golnisden adu, iou gmenda le ndoui ad Kristo, i balen ber mandrn.