लुका 16 سے مشہور بائبلی آیات

شئیر

येसु आरोङ दोअ्हि, हिदोइ बुङ द्‍याङ म्हुइका काथाता इमान्दार हिखे, कालाउ बार्का काथाता बुङ इमान्दार हिखे, जेसापा हिदोइ बुङ द्‍याङ म्हुइका काथाता बेइमान हि पानु, बार्का काथाता बुङ बेइमान हिखे।

“हिदोइ बुङ चाकारिया एनोङ दोङ सोमोइता न्हेमि गिह्रिको सेवा पालि मादावा। हाइपालिपानु वा दोङ एमिहेङ प्रेम पावा, कालाउ भेनेङहेङ खाङलि माकितावा। कि त वा एमिको दोअ्का कितावा कालाउ भेनेङहेङको दोअ्का चाहि हाइ दोङ वास्ता मापावा। ओदोङ भाअ्सिङ, नेलाइ बुङ परमेस्वर कालाउ धन न्हेमिको सेवा पालि एनोङ दोङ सोमोइता पालि मादोस्वाना।”

जेसापा नाअ् सुमिङको धन सामाराइलि खाङधुरि योग्य जेङलि मादोअ्न्हा पानु, एन्सा जेङनु नाअ् पाक्कै बुङ स्वर्गिय सत्ये धनको भाअ्सिङ खाङधुरि योग्य जेङलि माद्वाना। जेसापा नाअ् आरुको धन सामाराइलि खाङधुरि योग्य जेङलि मादोअ्न्हाना पानु, नासेहेङ हासु बुङ ताइको निङलि गोइका धन नासेहेङ हासु बुङ माप्यावा।

“आरोङ आब्राहाम दोअ्हि, ‘माको, जेसापा नाङको ओनेगेलाइ मोसाको कालाउ परमेस्वरको बक्तागेलाइको आग्या माकिकालाइ सिका द्‍याङ सिन्हुतेङ ल्होतेङ लोलाउ बुङ इम्बालाइ खाङधुरि मापावा।’”

जेसापा हिदोइ बुङ द्‍याङ ताइको बे दोफा खाति पोखे कालाउ भेनेङ बेजान दोफा बिहु पाखे पानु वा बुङ कासिबिरि पाखे। कालाउ हिदोइ बुङ द्‍याङ खाति पोन्हाका बेबालहेङ बिहुपाहे पानु वा बुङ कासिबिरि दोङ पाखे।