Vaefeso 5 سے مشہور بائبلی آیات

شئیر

Pamwinga na idzo, mumwigage uNguluvi, pakuva muli vaana vaakwe vende. Mwiyendage ngita uKilisiti kye atwendile nu kufuwa wiimila weesu, pa kwitawula ngita wusembe ni nambika iyinya lunuusi lunofu pa miiho ga Nguluvi.

Wiimila wa idzo, mwiyangalilage hiilo kye mukwikala, si ngita vapuva, nda haamu, ngita vanya luhalawukagudzi, kangi muwoneesage imigendele iminofu. Mulimage inofu umusika gonda gwe muli nago, pakuva ifi figono fya wuhosi.

Mutanage ukugaala, pakuva uwugaadzi wiikwananga imiikalile. Nda haamu, mulongodzwage nu Mubepo uMwimike. Mulonganilage mu ndzimbililo, imwito ni ndzimbo idziihuma mu numbula idza kumulumba uNguluvi. Mumwimbilage uMutwa Yesu ni numbula yonda. Mumuhongedzage uNguluvi uDaada, umusika gonda na mu dzonda, mu litaawa lya Mutwa veesu uYesu Kilisiti.

Wiimila wa ulo, mutanage ukuvedza vapuva, nda haamu, mulufikage lwe iisaka uMutwa mulimage.

Na yuunye vagoosi, muveendage avadala veenyo, ngita uKilisiti kye alwendile ulukombeso lwakwe ukufikila ukwitawula ukufuwa.

Pakataali unyeenye mwali mu kiisi, neke lino muli mu lumuli, pakuva muli mwa Mutwa. Lino mwikalage ngita vaana va lumuli

Mwilefyage yuunye mwa yuunye, pakuva mukumuginiya uKilisiti.

Unyeenye vadala mwilefyage ku vagoosi veenyo, ngita kwilefya kwa Mutwa.

Lino idzo dzikuvahwana naanye ukutigila, umugoosi amwendage umudala vaakwe ngita kye akwiyenda yumwene, nayu mudala amuginiyage umugoosi vaakwe.

Ngita uWusimbe uWiimike kye wiitigila, “Wiimila wa ulo, umugoosi akumuleka udaadiye nu ngʼina, neke akamiingʼane nu mudala vaakwe, avavili avo viivedza muvili gumwinga.”

Mulekelage ngʼaani amalimo ga mu kiisi agangaya luwumbulilo, nda haamu, mugaanikage pa weelu.