Romatɔwo 15 سے مشہور بائبلی آیات

شئیر

Mawu, ame si nana wokpɔa mɔ nɛ la nana dzidzɔ kple ŋutifafa nayɔ mia me taŋ, elabe miexɔ edzi se, ale be Gbɔgbɔ Kɔkɔe la nado ŋusẽ mi be mɔkpɔkpɔ nagati mi o.

Nu sia nu si woŋlɔ ɖi ɖe mawunya me le blema la, ɖe woŋlɔe ɖi be wòafia nunya mí, ale be mawunya la nana míanɔ te sesĩe, eye wòanɔ dzi dem ƒo na mí le nu si míele mɔ kpɔm na la ŋu.

Mawu, ame si naa ame nɔa te sesĩe, eye wòdea dzi ƒo na ame la, nawɔe be miaƒe gbe nasɔ eye miawɔ nu si Kristo Yesu di la. Ale mi katã miatsɔ gbe ɖeka ado Mawu, mía Aƒetɔ Yesu Kristo Tɔ́ la ɖe dzi.

Eya ta mixɔ mia nɔewo abe ale si Kristo hã xɔ mii ene. Miwɔ esia ale be amewo nakafu Mawu.

Le esia teƒe la, ele be mía dometɔ ɖe sia ɖe nawɔ nu si adze ehavi ŋu be wòanyo nɛ, eye wòali ke.