උත්පත්ති 24 سے مشہور بائبلی آیات

شئیر

ඉන්පසු ඔහු, “අහෝ ස්වාමින්වහන්ස, මගේ ස්වාමියා වන ආබ්‍රහම්ගේ දෙවියන්වහන්ස, අද දවසේ මා සඵල කළ මැනව. මගේ ස්වාමියා වූ ආබ්‍රහම්ට ආදර කරුණාව පෑ මැනව.

මා යම් තරුණියක අමතා, ‘කරුණාකර ඔබේ කළය පහත් කර, මට බීමට වතුර ඩිංගක් දෙන්නැ’ යි කී කල, ‘ආ බොන්න! ඔබේ ඔටුවන්ටත් මම දිය ඇද දෙන්නම්’ කියන තැනැත්තිය ඔබේ සේවක ඊසාක්ට ඔබ තේරූ සහකාරිය වේවා! මගේ ස්වාමියාට ඔබ ආදර කරුණා පා ඇති වග මම එයින් දැන ගන්නෙමි” යි පැවසී ය.

ඊසාක් තම මව වන සාරාගේ කූඩාරමට ඇය කැඳවාගෙන ආවේ ය. ඔහු රෙබෙකා ආවාහ කර ගත්තේ ය. මෙසේ ඈ ඔහුගේ බිරිඳ වූවා ය. ඔහු ඇයට ප්‍රේම කළේ ය. මෙසේ ඊසාක් තම මවගේ මරණින් පසු සැනසිල්ල ලද්දේ ය.

ඔවුහු රෙබෙකාට ආශිර්වාද කරමින්, “අපගේ සහෝදරිය, ඔබ දහස් ගණනින්, දස දහස් ගණනින් වැඩි වර්ධන වේවා! ඔබගේ දරු පරපුර, ඔවුන්ගේ සතුරන්ගේ දොරටු අත්කර ගනිත්වා!” යි කීහ.

ස්වර්ගයේ දෙවියන්වහන්සේ ද පොළොවේ දෙවියන්වහන්සේ ද වන ස්වාමින්වහන්සේගේ නාමයෙන් මා දැන් ඔබ දිවුරවන්නේ, දැන් මා වෙසෙන කානානිවරුන් අතරේ දූවරුන් වෙතින් ඔබ මගේ පුතුට බිරිඳක සොයා නො දෙන බවටත්, මා උපන් රටටත්, මගේ ම නෑසියන් වෙතටත් ගොස්, මගේ පුතු ඊසාක්ට බිරිඳක ගෙන දෙන බවටත් යැ” යි කීවේ ය.