නික්මයාම 15 سے مشہور بائبلی آیات

شئیر

උන්වහන්සේ කතා කරමින්, “ඔබගේ දෙවියන්වහන්සේ වන ස්වාමින්වහන්සේගේ කටහඬට ඔබ ඕනෑකමින් සවන් දී, උන්වහන්සේගේ ඇස් හමුවේ හරි දේ කරන්නේ නම්, උන්වහන්සේගේ ආඥාවලට ඔබේ සැලකිල්ල යොමා, උන්වහන්සේගේ නියෝග සියල්ල රක්ෂා කරන්නේ නම්, ඊජිප්තුවරුන් පිටට මා පැමිණ වූ එක රෝගයකුදු මා ඔබ පිට පමුණුවන්නේ නැත. මන්ද ඔබ සුව කරන ස්වාමින්වහන්සේ මම යැ” යි පැවසූ සේක.

“ස්වාමින්වහන්සේ මගේ ශක්තියයි; මගේ ගීතයයි. උන්වහන්සේ මගේ ගැලවීම වූ සේක. උන්වහන්සේ මගේ දෙවියන්වහන්සේ, ය. මම උන්වහන්සේ පසසන්නෙමි; උන්වහන්සේ මගේ පියාගේ දෙවියන්වහන්සේ, ය. මම ඉහළින් ම උන්වහන්සේ වර්ණනා කරමි.

දෙවිවරුන් අතරේ ඔබ හා සමාන අන් කවුරු ද? අහෝ ස්වාමින්වහන්ස! ශුද්ධත්වයෙන් තේජස් වූත්, මහිමයෙන් භයංකර වූත්, හාස්කම් කරන්නාවූත් ඔබ වගේ තව කවුරු ද?

ඔබ මිදූ ජනයාට නොමියෙන ඔබේ ප්‍රේමයෙන් ඔබ ම මග පෙන්වන්නාහ. ඔබේ ශුද්ධ නිවස්නය වෙත ඔබේ ම ශක්තියෙන් ඔබ ඔවුනට මග පෙන්වන්නාහ.

ඔවුන් මාරා වෙත ළඟා වූ කල, මාරාහි ජලය තිත්ත වූ නිසා, ඒවා ඔවුනට බීමට නො හැකි විය. එතැන මාරා යැයි අමතනු ලබන්නේ එබැවිනි. එනිසා ජනයා මෝසෙස්ට එරෙහිව මැසිවිලි නගමින්, “මොනවද අප බොන්නේ?” යි ඇසූහ. එබැවින් මෝසෙස් ස්වාමින්වහන්සේට මොර ගැසී ය. ස්වාමින්වහන්සේ ඔහුට ගහක් පෙන් වූ සේක. ඔහු එය දියට දැමී ය. එවිට ජලය මිහිරි විය. ස්වාමින්වහන්සේ එහිදී ඔවුන්ට නියෝගයක් ද පනතක් ද දුන් සේක. එහිදී උන්වහන්සේ ඔවුන් පරීක්ෂා කළ සේක.