रोमियो 2 سے مشہور بائبلی آیات

شئیر

जां तु जै ऐतियै-ऐतियै कंम कांनारा पन दोष लांता, जां ऐपु बि सैहै कंम काता; क्या ऐ समझता कि तु परमेश्वरेरी सजाय किना बचि गांहणा? क्या तु परमेश्वरेरी भलाई जां सहनशीलता जां तेसैरा धैर्य किछ बि ना समझता? क्या तु ऐ ना समझता कि परमेश्वरेरी भलाई ताउ किना बुरा कंमा केरा पछतावा कांना शिख्रांति?

ऐठणीरै तेईनी, हे होरनियां पन दोष लांणारियो! तुवे चाहै कोई बि कि ना भुईया, बहाना ना करि सकतै। तेसै गलै मझ अपांणा बि दोषी ठहरांतै, केईनी कि तुवे, जै होरनियां पन दोष लांतै, ऐपु बि तुवे सैहै कंम कातै।

केईनी कि परमेश्वरैरा न्याय कांनेरा तरीका सभनियां मैहणुवां केरै तेईनी बराबर आ।

केईनी कि जै मैहणु मूसेरी व्यवस्था कथाय सैयि शुणतै, सैक्यै परमेश्वरेरी नजरी मझ धर्मी नत्तै, पण जै व्यवस्थायरा पालन कातै, सैक्यै परमेश्वरेरी नजरी मझ धर्मी समझियूंणै।

परमेश्वरा हर मैहणुनी तेसेरै कर्मेरै अनुसार बदला दींणा।

पण जै मैहणु अपड़ै मतलब कढणेरै तेईनी सच्चाई छडि करि झूठा पन विश्वास कातै, परमेश्वरा तैन्हांं पन अपड़ा गुस्सा जां कोप लुहाना।

पण केईनी कि तुवे हठीलै अत्तै जां पछतावा कांना किना नमां कातै, ऐतियु करि करि तुवे अपड़ै तेईनी बड़ी, बडी सजा कमूंतै अत्तै। केईनी कि सै धियाड़ी ऐईंती आ, जेख्णी परमेश्वरा अपड़ा गुस्सा लुहाना जां अपड़ा सच्चा न्याय प्रकट कांना।