मरकुस 9 سے مشہور بائبلی آیات

شئیر

यीशु तेसनी बौलु, “तुहां शक ना भूंणा चेंहिथा कि आंउ ऐहीं करि सकता! अगर कौ मैहणु मूं पनि विश्वास काता, ता सभ कुछ भौ सकतु।”

छोकरूरै बाबै इकदम चिंड दी करि बौलु, “हे प्रभु, आंउ विश्वास काता, मिंडी सहायता कर कि आंउ विश्वासा मझ मजबूत भौ गंहूँ।”

बाद मझ, जेख्णी यीशु अपड़ा चैला सेईतै घरा मझ अकैला थ्या, तेख्णी तैन्हैं तैस किना पुच्छु, “कि असेड़ै बोलै सै बुरी आत्मा किना कढि?” फिरी यीशु उत्तर दिता, “ऐतेई बुरी आत्माय प्रार्थना कांने बगैर मैहणुवां किना भेईर ना ऐईंती।”

लूंण सलूंणे स्वादिष्ट बंणा दींतु, अगर लूंणैरा स्वाद बिगड़ी गहिया, ता तैस कुनि चीजै ला नमकीन करेलै? तुवाड़ा बर्ताव बि लूंणा सैयि भूंणा चेहिंथा, जां योकिया मझ शान्ति सेईतै बेशा।

“अगर कोई मैहणु मिंडै कारण ऐहीं-चारै एकि बच्चै पन दया काता सै सच मझ मिंडा आदर काता। अगर कोई मैहणु मिंडा आदर काता, ता सै सच मझ परमेश्वरैरा आदर काता जेनि आंउ भेईजौरा।”

आंउ तुहां सिंउ सच बोलता, कि मसीह पिचोरै चलणैरी वजहि ला, अगर कोई तुवाड़ी थोड़ी तैई मजत बि करिया, जिहीं कि पांणी पिवांणु, ता परमेश्वरा तेन्हांनि जरूर ईनाम दींणा।”

जै कौ मूं पन विश्वास कांनारा मझियां एकि बि पाप कांना पन मजबूर करिया, बेशक सै एकि बच्चै सामान भुईया, सै तेसेरै तेईनी छै भूंणु कि अक भारी घौड़ तेसेरै गआ मझ बंन्ही करि डुबणेरै तेईनी समुद्रा मझ सुटि दिया। ता ऐसेरै तेईनी ऐ बड़ी सजा भौ सकती, पण तेसनी ऐठां बि बडी सजा परमेश्वर दैला।

अगर तिंडु टीर ताउ पाप कांना पन मजबूर करिया ता तैस कढि सुट। कांणा भौ करि तिंडु परमेश्वरेरै राज्य मझ गांहणु बड़ु अच्छु आ, वजाय ऐठणीरै कि तिंडै दो टीरै होते हुऐ तु नरकेरी तैस आगी मझ सुटियो जै कदि ना बुझती।