N%FAmeros 16 سے مشہور بائبلی آیات

شئیر

Xwiri i Ajwal we k-on jun nim laj il chi kjaqtaj upam ulew chi xaq keub'i' b'i konojel i winaq le, keje ile je k'aslik keqaj xejul rachi'ilam ub'itaq ke, kiwetamaj uri chi je are ike xkik'aq b'i u'ij i Ajwal —xcha. Are xutzin ma Moisés chub'ixkil i tzij le chke, are uri xjaqtaj upam ulew chkixe' chila ipa je o wi ike. Are uri xeb'i' b'i konojel i winaq chi kiya'om kiwach ru' ma Coré junam ku' kalk'uwal xaq ronojel ni'pa ub'itaq ke.

Jun aj Leví chi umuq uxikin ma Coat, chi ma Coré ub'i, uk'ojol ma Izhar, xaq i je oxib' chik achiyab' chi je utzob'ajil ma Rubén, chi je are ma Datán, ma Abiram ike le je uk'ojol ma Eliab xaq i ma On, chi uk'ojol ma Pelet, Konojel ike le xkiqel ma Moisés man xkimol kichi' lajuj kab'lajujwinaq (250) achiyab' aj Israel chi o kipatan pa tinimit, xaq etamam kiwach i lik o ki'ij man je ajpixb'anel.