К Ефесянам 5 سے مشہور بائبلی آیات

شئیر

Кияӷныӷым лъпыси авақутақутаңаның пиниқитыху, аюқысиӷаҳтыху. Кияҳта̄лъыси а̄ҳқутақыстыки пиниқылъыӷмун, катам Христосым пиниқыхкаңилъю, туқуматкыхкақыхкаңилъю. Туқулъҳа тыпкыхтатун тунусятун аюқуқ Кияӷныӷмун, аҳқутңӯқлъю лъңанун.

Ынка̄м кылыңалюси кияҳтык. Пыҳқинӷунӷилңуӷыстун кияҳтыхпынаси; итупилъ пыҳқинӷыстун кияҳтык. Пинитун атуқитыху тамаҳа̄н пилъыҳқаҳси қаюҳлъяк аӷныӷни ма̄тын югыт сыӷлытун пӣқут.

Сю̄мыхпынаси виномың қаюҳлъяк на̄фқылъықӣси. Иўырңа имиҳтык Таӷныӷагның, алыҳқӯтақлъюси акузитаңитның псалмыт, иляга̄тыт, таӷныӷакунлъю иляга̄тның. Илягаӷақитык иляга̄тныңлъю, псалмыныңлъю Атаныӷмун, усюқилъылиӷлюси илюхпысигун. А̄тҳакун Атанымта Иисус Христосым, игамсиқаюгвикумаңинаҳтыху Кияӷнық Атаңа ся̄м тамаҳа̄н.

Тама̄кын апалъюқлъюку налъюфқа̄фси, иўырңа лӣгикитыху сяңўа̄ Атанӷым писқысюлъҳа лъпысинун.

Угини, пиниқлъюки нулӣси катам Христосым пиниқылъҳатун ухпықат. Пиниқыпихтыкақӣ рыпалъ туқуматкыхкақӣ.

Югыстун аюқсяҳтуси кияҳлъыҳӣт мамлыгми, иўырңа ма̄тын кияҳтыңъӯси ниӷугми қаюҳлъяк Атанӷым пикыхкаңиси. Ынка̄м кияҳтык югыстун ниӷугмылңуӷыстун.

Малиҳқутақңалюси иляхпысинун қаюҳлъяк сӣвакңукыси Христос.

Нулӣӷни, малиҳқутақлъюси угихпысинун катам Атаныӷмун пилӷӣстун.

Иўырңа та̄на лъпысинунлъю аюқуқ: тамаҳаӷми угим пиниқыпыста̄ӷьяҳқақа̄ нулӣни лъми катам пиниқылӷӣстун. Тамаҳаӷмилъю нулиҳым сӣваксяҳқақа̄ угини.

Акузитни Игақыхкани хўатын игақңа̄қ: «Тама̄кын апалъюқлъюку югым унилъықа̄к атанилъю, на̄нилъю илянъалюни нулӣӷминун. Ынка̄м нулиҳқулъҳӣк ата̄сӣҳлъықук».

Илятқаҳтаҳпынаси югнун сятңунӷилңуӷмың пилӷӣнун мамлыгми. Итупилъ лӣгикыстыкӣ таўатын пилъҳит сыӷлыӷӯт.