John 14 سے مشہور بائبلی آیات

شئیر

“Univikamsi nekeggmelleghmeng. Nekeggmelqa tuunaqa elpesinun. Nunam tuunellghatun tuuneghitamsi. Enkaam ilusi seghleliightestegpenaki talwa alingegpenasi.

Jesus‑em kiimsiqaa, “Whanga tuumnguunga, ipapillghuunga, unguvallghuunga. Kina alngunak Atamun aglaghnaanghituq wetqukun whangamkun.

Jesus pilaataqaq, “Qaamnasi seghleliightestegpenaki, sighimakiteggu Kiyaghneq, sighimakitengnga whangallu.

Kayutem apeghtughlleqiisi sameng tamaghhaaneng. Neqaghtesleqii qamaglluki tamaakut aapqanka elpesinun. Taakuk Kayutek Agleghnalghiinguuk Taghneghak, Atam kayagsaghqakek Atemkun.

“Kitum tugukliqumiki qelghusanka, qaatkegkumikillu, piniqistekaqa, Atamallu piniqelleqaa. Whangallu piniqelleqaqa, liiteslequngallu ellnganun.”

Aapleqaqa Ata tuunesqellusi allaneng Kayutkaghqameng, enkaam tuunelleqiisi Kayutkaghqameng elpesinisaghqameng quunperugllak. Taakuk Kayutek Taghneghaaguk apeghtughlleqiisi Kiyaghneghem ipapillghaneng. Nunam yugan tuguklighnaanghitaa qayughllak esghiigalkanga talwa nallukegkanga. Iwernga elpesi liisimakaghsi qayughllak elpesinituq, ilugpesinisaghqaaguqlu.

Aaptekufsi sameng alngunak Atemkun legan pilleqaqa, Atam aangelleghllaga kelgutesqelluku Ighneghqun. Sameng alngunak aaptekufsinga Atemkun pilleqaqa.

“Piniqegkufsinga qaatkelleqasi qelghusanka.

Uglaapigtuq nekaghqaq Atama mangteghaani enkaam yataaghqusaghtughnaqamsi nekaghqameng. Tawatenneghisaqan ungipaannayanghitamsi.

Yataaghqunneghmeng apeghiiqumsi taginqigllunga tuguklighlleqamsi, whangamnitesqellusi kiyaghfimni.

Thomas‑em pikaa Jesus, “Ataneq, nallukaghput navek pinaquten enkaam natenꞌngam liisimakelleqesteggu tuma?”